Cyrus Mistry Car Accident मध्ये वाचलेल्या डॉ. अनाहिता यांच्यावर पेल्विक सर्जरी, याबाबत जाणून घ्या सगळं काही

​सर्जरी टीममध्ये सहभागी झाले दिग्गज एक्सपर्ट

डॉ. ग्यानचंदानी यांनी सांगितले की, ऑर्थोपेडिक्स विभागाचे संचालक डॉ. वैभव बगरिया, डॉ. दिलीप तन्ना, मेंटॉर ऑर्थोपेडिक्स, डॉ. दारियस सूनावाला, सल्लागार ऑर्थोपेडिक्स आणि वरिष्ठ भूलतज्ज्ञ डॉ. डेझी यांच्यासह अनेक प्रशिक्षित परिचारिका आणि तंत्रज्ञांचा समावेश होता.

​पेल्विक रिकंस्ट्रक्टिव सर्जरी म्हणजे काय?

पेल्विक रिकन्स्ट्रक्टिव्ह शस्त्रक्रिया पेल्विक अवयवांची दुरुस्ती करण्यास मदत करते. या भागात मूत्राशय ( bladder), योनी (vagina)आणि पेल्विक फ्लोर (pelvic floor) यासह अनेक महत्त्वाचे अवयव समाविष्ट आहेत.

​डॉ. पांडोळे यांची का झाली पेल्विक सर्जरी

डॉ. पांडोळे यांना एक आघातजन्य हेमिपेल्व्हेक्टॉमीचा त्रास झाला, ज्यामध्ये पेल्विक फ्रॅक्चरचा समावेश आहे. पेल्विक फ्रॅक्चरचा हा एक दुर्मिळ प्रकार आहे. या शस्त्रक्रियेचा उपयोग पेल्विक-संबंधित विविध आजारांवर उपचार करण्यासाठी केला जातो. गंभीर पेल्विक फ्रॅक्चर लक्षात घेऊन यूएस, यूके आणि युरोपसह जगभरातील विविध तज्ञांकडून मते घेण्यात आली.

​हेमीपेल्वेक्टोमी म्हणजे काय?

हेमिपेल्व्हेक्टॉमी ही पेल्विककरता केली जाणारी शस्त्रक्रिया आहे. यामध्ये या भागात खराब झालेले भाग किंवा दुखापत झालेले भाग काढले जातात. काही वेळा या भागातील हाडही काढावे लागते. हेमिपेल्व्हेक्टॉमी दरम्यान,पेल्विकच्या आत सर्व अवयव शोधणे आणि त्यांना शस्त्रक्रियेच्या ठिकाणाहून काढून टाकणे खूप महत्वाचे आहे.

​हेमीपेल्वेक्टोमीमुळे काय धोका

NCBI वर प्रकाशित केलेल्या अभ्यासात असे दिसून आले आहे की हेमिपेल्व्हेक्टॉमी असलेल्या रुग्णांमध्ये मृत्यूची प्रमुख कारणे म्हणजे रक्त कमी होणे, संसर्ग आणि एकाधिक अवयव निकामी होणे. शस्त्रक्रियेनंतर रुग्णाला इन्फेक्शन, वेदना, बेड किंवा व्हील चेअरवर अवलंबून राहणे यासारख्या समस्यांना सामोरे जावे लागते.

टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.

इंग्रजीत आर्टिकल वाचण्यासाठी येथे क्लिक करा