Cleavage दाखवायची काय गरज होती, अभिनेत्रीच्या बर्थडेचे फोटो पाहून चाहते संतापले

मुंबई : छोट्या पडद्यावरील लोकप्रिय अभिनेत्री छवी मित्तल (Chhavi Mittal) हिला ब्रेस्ट कॅन्सरचं निदान झाल्याचं काही महिन्यांपूर्वी समोर आलं. कॅन्सर झाल्याचं समजल्यानंतर छवी खचली नाही. तिनं डॉक्टरांच्या सल्ल्यानं तत्काळ उपचार सुरू केले. छवी आता कॅन्सरमुक्त झाली आहे. कॅन्सरवर यशस्वी उपचार झाल्यानंतर तिनं नुकताच तिचा बर्थडे सेलिब्रेट केला.

छवीसाठी हा वाढदिवस खूप खास होता. कॅन्सरवर मात केल्यानंतर तिनं वाढदिवसाचं जंगी सेलिब्रेशन केलं. तिचा पती मोहित हुसेन यानं छवीच्या बर्थडेसाठी खास पार्टी ठेवली होती. या पार्टीला त्यांचे अनेक सेलिब्रिटी मित्र-मैत्रिणी आल्या होत्या. छवीनं बर्थडे पार्टीचे फोटो शेअर केल्यानंतर चाहत्यांकडून लाइक्स आणि कमेंट्सचा वर्षाव करण्यात आला. पण काही जणांना छवीचे हे फोटो खटकले. छवीनं बर्थडे पार्टीसाठी घातलेला ड्रेस काही जणांना आवडला नाही. यावरून तिला ट्रोल करण्यात आलं.

छवीनं काही कमेंट्स शेअर करत ट्रोलर्सला उत्तर दिलं आहे. बर्थडेसाठी अंगप्रदर्शन करणारा ड्रेस घालायची काय गरज होती. एखादा खास मेसेज चाहत्यांपर्यंत पोहोचवण्यासाठी असले ड्रेस घालण्याची काही गरज नाही, असं एकानं म्हटलंय. तर दुसऱ्या एका युझरनं तिनं हे डिप्रेशनमुळं केल्याचं म्हटलंय. तर नवऱ्यासोबत किसींग फोटो शेअर करून तुला नक्की काय साध्य करायचंय? असा प्रश्नही अनेकांनी तिला विचारला आहे.

ट्रोलर्सच्या प्रश्नांना सडेतोड उत्तर
छवीनंही या सर्वांना तिच्या शब्दांत सडेतोड उत्तरं दिली आहे. मी माझ्या ब्रेस्ट कॅन्सर प्रवासाबद्दल एक शब्द ना शब्द चाहत्यांसोबत शेअर केलाय. मला याची कधीही लाज वाटली नाही. गेल्या १८ वर्षांपासून मी माझ्या नवऱ्यासोबत असे अनेक फोटो शेअर केलेत. त्यात नवीन काही नाही. आता सेलिब्रिटींनी काय शेअर करावं, आणि काय नाही हे तुम्ही ठरवणार का? राहुद्या आता…असं म्हणत छवीनं ट्रोलर्सची शाळा घेतली आहे.