बापरे, नसांमध्ये कॉलेस्ट्रॉल साचल्यास येतो हार्ट अटॅक,नसा व आतड्यातून कोलेस्ट्रॉल झटक्यात बाहेर फेकतात हे उपाय

हृदयाजवळ पोहचू देऊ नका कोलेस्ट्रॉल

उच्च कोलेस्ट्रॉलमुळे नसांमध्ये चिकट पदार्थ जमा होतात. जेव्हा त्याचे प्रमाण नसांमध्ये खूप जास्त होते तेव्हा यामुळे रक्तवाहिन्या बंद होतात आणि रक्त पुरेशा प्रमाणात वाहू शकत नाही. अनेक वेळा हा पदार्थ तुटून हृदयाजवळ पोहोचतो आणि नसा बंद झाल्याने हृदयविकाराचा झटका येतो. म्हणूनच कोलेस्ट्रॉलवर लक्ष ठेवले पाहिजे आणि अशी स्थिती आपल्या शरीरात निर्माण होऊ नये म्हणून सतर्क राहिले पाहिजे.

(वाचा :- Remedies for Cough: घसा व छातीतील जमा कफ बाहेर फेकून कोरडा व ओला खोकला होईल कायमचा छुमंतर, फक्त करा हे 6 उपाय)

फायबरयुक्त पदार्थ खाण्यावर द्यावा भर

फायबरयुक्त पदार्थ खाल्ल्याने कोलेस्ट्रॉलची पातळी वाढत नाही. NCBI वर प्रकाशित केलेल्या संशोधनात असे म्हटले आहे की, विरघळणारे फायबर हे कोलेस्ट्रॉलला आतड्यांमध्येच बांधून ठेवते आणि ते विष्ठेच्या रूपात शरीरातून बाहेर काढले जाते. म्हणूनच एकूण आणि खराब कोलेस्ट्रॉल कमी करण्यासाठी फायबर युक्त गोष्टी खाल्ल्या पाहिजेत. जेणेकरून शरीरातील कोलेस्ट्रॉलचे प्रमाण नियंत्रणात राहिल आणि वाईट कोलेस्ट्रॉल वाढणार नाही.

(वाचा :- Lung Cancer Symptoms: फुफ्फुसांत दिसली ही लक्षणं तर समजून जा झालाय लंग कॅन्सर, फक्त 5 महिनेच जगण्याचे चान्सेस)

खूप सफरचंद खा

हेल्थलाइननुसार, एका मध्यम आकाराच्या सफरचंदात 1 ग्रॅम विरघळणारे फायबर असते. म्हणूनच आहारात सफरचंद खाल्ल्याने वाईट कोलेस्ट्रॉल कमी होऊ शकते. तुम्ही दररोज 1-2 सफरचंद आरामात खाऊ शकता. याच कारणामुळे म्हणतात की एक सफरचंद रोज खाल्ले तर तुम्हाला डॉक्टरकडे जाण्यची गरज नाही. कारण अनेक आजार हे कोलेस्टेरॉलची निगडीत असतात आणि सफरचंद हे कोलेस्ट्रॉलला रोखते. जर तुम्ही सफरचंद खात नसाल तर आहारात त्याचा समावेश करायला सुरुवात करा.

(वाचा :- Sleep Fact : टाचणीचा आवाजही गाढ झोपेतून करत असेल तुम्हाला जागं तर व्हा सावध, कधीही होऊ शकतात हे 4 गंभीर आजार)

गाजर देखील आहेत फायदेशीर

थंडीत उपलब्ध होणाऱ्या गाजरांमध्ये डायट्री फायबरचे प्रमाण जास्त असते. म्हणूनच गाजर खाल्ल्याने नसांमध्ये घाण जमा होण्यापासून बचाव होतो. 128 ग्रॅम गाजरांमध्ये सुमारे 2.4 ग्रॅम विरघळणारे फायबर असते. म्हणून आहारात आवर्जून गाजरांचा समावेश करा आणि हेल्दी राहण्यावर भर द्या.

(वाचा :- सकाळी उठून ही कामे केल्याने रॉकेटच्या स्पीडने धावतो मेंदू, वयाच्या शंभरीपर्यंत स्मरणशक्तीला धक्काही लागत नाही)

वाटाणे, ओट्स आणि ईसबगोल सुद्धा ठरतील उपयुक्त

वाटाणे आणि ओट्समध्ये देखील विद्राव्य अर्थात विरघळणारे फायबर असते. वाटाणे आणि ओट्स शिजवून अन्न म्हणून तुम्ही खाऊ शकता. यांमध्ये अन्य चांगले घातक आणि पोषक तत्व असल्याने त्याचा सुद्धा शरीराला खूप फायदा होतो. त्यामुळे आवर्जून वाटाणे आणि ओट्स आहारात समाविष्ट करा आणि बघा तुम्हालाच त्याचा फायदा दिसून येईल. तर मंडळी, असं आहे हे कोलेस्ट्रॉलचे गौडबंगाल आणि त्यापासून तुम्हाला स्वत:चा बचाव करायचा असेल तर न चुकता आपल्या आहाराकडे लक्ष द्या आणि हेल्दी पदार्थ खाण्यावर अधिकाधिक भर द्या.

(वाचा :- भारतीय एअरपोर्टवरील तब्बल 200 प्रवाशांत सापडला Omicron BF.7, जगायचं असेल तर दिवसभर करा ही कामे – आयुष मंत्रालय)

टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा.