20 आणि त्याहून अधिक वयाच्या पुरुष किंवा स्त्रियांसाठी एकूण 200 mg/dL पेक्षा कमी कोलेस्टेरॉल सामान्य मानले जाते. कोलेस्ट्रॉल कमी करण्याचा सर्वात सोपा मार्ग कोणता आहे? एक्सपर्ट्स मानतात की काही औषधे आहेत जी तुमचे कोलेस्ट्रॉल कमी करण्यास मदत करू शकतात. परंतु वेळोवेळी औषधांवर अवलंबून राहणे आरोग्यासाठी हानिकारक ठरू शकते. असे काही पदार्थ आहेत ज्यांच्या नियमित सेवनाने कोलेस्ट्रॉल कमी होऊ शकते. उन्हाळ्यात या गोष्टींचे सेवन करणे आवश्यक आहे. (फोटो साभार: istock by getty images)
ऑलिव्ह
ऑलिव्ह मध्ये हेल्दी फॅट्स असतात, जे कोलेस्ट्रॉलची पातळी कमी करण्यास मदत करतात. तसेच ते खराब कोलेस्टेरॉलचे चांगल्या कोलेस्टेरॉलमध्ये रूपांतर करते. तुम्ही ते सॅलड्स, एपेटायझर, पिझ्झा आणि इतर गोष्टींमध्ये घालून खाऊ शकता.
(वाचा :- हृतिक रोशनच्या 67 वर्षांच्या आईला पाहिलंत का? फिटनेस व फिगर बघून व्हाल हैराण, यासाठी फक्त रोज इतकी पावलं चालते..!)
ओट्स
हार्वर्ड हेल्थच्या मते, कोलेस्टेरॉलची पातळी कमी करणाऱ्या पोषक तत्वांपैकी एक म्हणजे फायबर. ओट्समध्ये ते मुबलक प्रमाणात असते. ओट्समध्ये विरघळणारे फायबर असतात जे खाल्लेल्या अन्नाचं जेल बनवतात आणि आतड्यांमधील बॅक्टेरियाद्वारा हे सहज पचते. ओट्स जठरांत्र संबंधी मार्गात पित्त ऍसिडसोबत एकत्र येऊन कोलेस्ट्रॉल कमी करते आणि अशाप्रकारे खराब कोलेस्ट्रॉलची पातळी कमी करून हृदयरोगापासून संरक्षण होण्यास मदत होते.
(वाचा :- बापरे! एका विचित्र आजाराने पिडीत रूग्ण तब्बल 2 महिने जगत होता फक्त द्रव पदार्थांवर, कारण जीभेवर उगवत होते ‘काळेभोर केस’!)
अळशीच्या बिया
फायबर व्यतिरिक्त अळशीच्या बियांमध्ये लिग्नानचे प्रमाण जास्त असते. हे जटिल कार्बोहायड्रेट्स आहेत जे शरीरात इस्ट्रोजेनसारखे कार्य करतात आणि कोलेस्ट्रॉल कमी करण्यास मदत करतात. तुम्ही चपाती, दही आणि सॅलडसोबत अळशीच्या बियांचे सेवन करू शकता.
(वाचा :- World Kidney Day 2022 : ‘हे’ 5 पदार्थ खाल्ल्यास किडनी आयुष्यभर राहिल हेल्दी आणि पिवळ्या रंगाच्या व दुर्गंध येणा-या लघवीपासून मिळेल मुक्ती!)
नट्स
हार्वर्ड हेल्थच्या मते, बदामासारखे नट्स कोलेस्ट्रॉलची पातळी कमी करण्यासाठी फायदेशीर ठरू शकतात. एका अभ्यासात असे दिसून आले आहे की दररोज बदाम खाल्ल्याने एलडीएल सात टक्क्यांपर्यंत कमी होण्यास मदत होते.
(वाचा :- Joint pain remedies : जुन्यातील जुनी सांधेदुखी, गुडघेदुखी व हाडांच्या वेदना होतील झटक्यात दूर, आयुर्वेदिक डॉक्टरांनी सांगितले 5 रामबाण घरगुती उपाय!)
शतावरी
या उच्च फायबर भाजीमध्ये सॅपोनिन नावाची संयुगे देखील असतात, जी अँटीइनफ्लमेट्री आणि अँटीकॅन्सर म्हणून ओळखली जातात. याच्या सेवनाने रक्तदाब आणि खराब कोलेस्ट्रॉलची पातळी नियंत्रित ठेवता येते.
(वाचा :- Covid 4th wave : चौथ्या लाटेआधी करोनाने बदलले आपले रंगरूप, जनावरांमार्फत धुमाकूळ घालण्याची शक्यता, WHO ने सांगितले बचावाचे 4 उपाय!)
जर्दाळू
हे फळ फायबरचा चांगला स्रोत आहे. जर्दाळूमधील बीटा-कॅरोटीन घटक LDL म्हणजेच खराब कोलेस्टेरॉलचा धमन्यांचे ऑक्सिकरण आणि रक्तवाहिन्या बंद होण्यापासून रोखण्यास मदत करते. जर तुम्हाला ताजे जर्दाळू सापडत नसेल तर तुम्ही वाळलेल्या जर्दाळूचे देखील सेवन करू शकता.
(वाचा :- Storing eggs : बाजारातून आणलेली अंडी फ्रीजमध्ये ठेवणं सुरक्षित आहे की असुरक्षित? जाणून घ्या किती तासांत होऊ शकतात खराब?)
टीप : हा लेख फक्त सामान्य माहितीसाठी आहे. हे कोणत्याही प्रकारे कोणत्याही औषधाचा किंवा उपचारांचा पर्याय असू शकत नाही. अधिक तपशीलांसाठी नेहमी आपल्या डॉक्टरांशी संपर्क साधावा.