CBSE टर्म १ चा निकाल या आठवड्यात? अधिकाऱ्याने दिली महत्वाची माहिती

बोर्डाच्या अधिकाऱ्याकडून माहिती
काही मीडिया रिपोर्ट्सनुसार, सीबीएसई बोर्डाशी संबंधित एका अधिकाऱ्याने सीबीएसई टर्म १ च्या निकालाशी संबंधित एक महत्त्वाची माहिती जाहीर केली आहे. अहवालानुसार, सीबीएसई टर्म १ चा निकाल या आठवड्यात जाहीर होण्याची शक्यता आहे.

महापारेषणमध्ये दहावी उत्तीर्णांना नोकरीची संधी
निकाल तयार
या अहवालानुसार, सीबीएसई टर्म १ चा निकाल तयार करण्यात आला आहे आणि तो १० मार्च २०२२ पर्यंत जाहीर केला जाऊ शकतो. सीबीएसई बोर्डाचा निकाल अधिकृत वेबसाइटवर जाहीर केला जाईल. वेबसाइट क्रॅश झाल्यास इयत्ता दहावी आणि बारावीचे विद्यार्थी एसएमएसद्वारे किंवा डिजिलॉकरवर निकाल पाहू शकणार आहेत.

इस्टर्न कोलफिल्डमध्ये बारावी उत्तीर्णांना संधी, ३१ हजारपर्यंत मिळेल पगार
CBSE दहावी, बारावीचा निकाल उमंग अॅपवर तपासण्यासाठी..
स्टेप १) मोबाइलमध्ये उमंग अॅप डाउनलोड करा.
स्टेप २) अॅपच्या होमपेजवर ऑल सर्व्हिसेस टॅबवर क्लिक करा.
स्टेप ३) त्यानंतर दहावी किंवा बारावीचे निकाल पाहण्यासाठी ‘CBSE’ या लिंकवर क्लिक करा.
स्टेप ४) आवश्यक क्रेडेन्शियल्स भरुन लॉग इन करा.
स्टेप ५) सीबीएसई टर्म १ इयत्ता दहावी किंवा इयत्ता बारावीच्या निकाल लिंकवर क्लिक करा.
स्टेप ६) तुमचा रोल नंबर आणि नोंदणीकृत मोबाईल नंबर एंटर करा.
स्टेप ७) तुमचा निकाल स्क्रीनवर दिसेल.

२६ एप्रिलपासून परीक्षा
२०२१-२२ या वर्षासाठी सीबीएसईच्या दुसऱ्या टप्प्याची बोर्ड परीक्षा २६ एप्रिलपासून सुरू होण्याची तारीख बोर्डाने अधिकृतपणे जाहीर केली आहे. दरम्यान सीबीएसईने याचे वेळापत्रक जाहीर केले नाही. हे वेळापत्रक मार्च २०२२ च्या पहिल्या आठवड्यात प्रसिद्ध होण्याची शक्यता आहे.

देशभरातील विद्यार्थी आणि पालक टर्म २ च्या परीक्षा ऑफलाइनऐवजी ऑनलाइन घेण्याची मागणी करत आहेत. यासंदर्भात विद्यार्थी विविध सोशल मीडिया प्लॅटफॉर्मवर शिक्षणमंत्री, सीबीएसई आणि इतरांना विनंती करत आहेत. शिकवणी वर्ग ऑनलाइन घेण्यात आले होते आणि करोना प्रादुर्भाव संपला नसताना परीक्षा ऑफलाइन का? असा प्रश्न विद्यार्थी उपस्थित करत आहेत. त्यामुळे सीबीएसई टर्म २ परीक्षा २०२२ ऑनलाइन पद्धतीने घेण्यात यावी अशी मागणी करण्यात येत आहे.

कंपनीत प्रमोशन हवे असेल तर ‘या’ प्रभावी टिप्स करा फॉलो
RBI Recruitment: रिझर्व्ह बँक ऑफ इंडियामध्ये विविध पदांची भरती