CBSE 12th Term 1 Result 2022: असा नोंदवा आक्षेप
विद्यार्थ्यांना कोणत्याही किंवा सर्व विषयातील थ्योअरी गुणांवर आक्षेप असेल तर ते सीबीएसई बोर्डाच्या नोटिसनुसार, ‘ऑनलाइन विवाद निवारण यंत्रणे’च्या माध्यमातून नोंदणी करू शकतात. यासाठी विद्यार्थ्यांना बोर्डाची अधिकृत वेबसाइट cbse.gov.in वर जावे लागेल. नवीन अपडेट्स विभागात दिलेल्या संबंधित लिंकवर क्लिक करावे लागेल. त्यानंतर संबंधित तपशील टाकून हरकत नोंदवता येईल. विद्यार्थ्यांनी आक्षेप घेण्यासाठी त्यांच्या संबंधित शाळेशी संपर्क साधावा. विद्यार्थ्यांना आक्षेप सबमिशन पेजवर शाळेच्या तपशीलासह लॉगिन करावे लागणार
सीबीएसई बारावी टर्म १ निकाल २०२२ च्या गुणांवर ३१ मार्च २०२२ पर्यंत आक्षेप नोंदवता येणार आहे. सीबीएसईकडून या आक्षेपांबाबतचा अंतिम निर्णय २६ एप्रिलपासून होणाऱ्या टर्म २ च्या परीक्षांचे निकाल जाहीर केल्यानंतर घेण्यात येणार आहे.
‘या’ वेबसाइटवर निकाल जाहीर
CBSE बोर्ड बारावी टर्म १ चा निकाल सीबीएसईच्या अधिकृत वेबसाइटवर पाहता येणार आहे. सीबीएसई टर्म १ चा निकाल https://cbseresults.nic.in/ आणि https://results.gov.in/ या वेबसाइटवर जाहीर करण्यात आला आहे. यावर क्लिक करुन तुम्ही निकाल पाहू शकता. निकाल लागल्यावर बहुसंख्य विद्यार्थी या वेबसाइटवर एकाच वेळेला निकाल पाहत असतात. त्यामुळे वेबसाइट हॅंग किंवा क्रॅश होण्याची शक्यता आहे. असे झाल्यास तुम्ही पुढील पद्धतींचा वापर करु शकता.
डिजीलॉकर अॅपद्वारे तपासा
स्टेप १) तुमच्या स्मार्टफोनवर Play Store वरून ‘DigiLocker APP’ डाउनलोड करा.
स्टेप २) होमपेजवरील साइन अप लिंकवर क्लिक करा.
स्टेप ३) तुमचे नाव (जे आधार कार्डाप्रमाणे), जन्मतारीख, श्रेणी, वैध मोबाइल नंबर, ईमेल आयडी, आधार क्रमांक आणि ६ अंकी सुरक्षा पिन भरा.
स्टेप ४) सर्व आवश्यक तपशील भरल्यानंतर यूजरनेम सेट करा.
स्टेप ५) खाते तयार केल्यानंतर, ‘सीबीएसई टर्म १ इयत्ता दहावी किंवा बारावी निकाल २०२१’ या लिंकवर क्लिक करा.
स्टेप ६) तुमचा रोल नंबर आणि नोंदणीकृत मोबाईल नंबर एंटर करा.
स्टेप ७) तुमचा निकाल स्क्रीनवर दिसेल.
CBSE Result 2022: उमंग अॅपवर तपासा
स्टेप १) मोबाइलमध्ये उमंग अॅप डाउनलोड करा.
स्टेप २) अॅपच्या होमपेजवर ऑल सर्व्हिसेस टॅबवर क्लिक करा.
स्टेप ३) त्यानंतर दहावी किंवा बारावीचे निकाल पाहण्यासाठी ‘CBSE’ या लिंकवर क्लिक करा.
स्टेप ४) आवश्यक क्रेडेन्शियल्स भरुन लॉग इन करा.
स्टेप ५) सीबीएसई टर्म १ इयत्ता दहावी किंवा इयत्ता बारावीच्या निकाल लिंकवर क्लिक करा.
स्टेप ६) तुमचा रोल नंबर आणि नोंदणीकृत मोबाईल नंबर एंटर करा.
स्टेप ७) तुमचा निकाल स्क्रीनवर दिसेल.
CBSE Result 2022: SMS च्या माध्यमातून तपासा
आपल्या मेसेज बॉक्समध्ये cbse12 टाइप करुन हा मेसेज ७७३८२९९८९९ क्रमांकावर पाठवा. या क्रमांकावरुन सीबीएसई बारावीचा निकाल २०२२ पाहता येईल.