CBSE टर्म १ चा निकाल कधी होणार जाहीर?… पाहा मोठी अपडेट

सीबीएसई टर्म २ परीक्षा सुरू होण्याची तारीख जाहीर करण्यात आली आहे. पण टर्म १ निकाल जाहीर करण्याच्या तारखेबद्दल अद्याप कोणतेही अपडेट देण्यात आले नाही. अशावेळी विद्यार्थ्यांच्या प्रतीक्षेत वाढ होताना दिसत आहे.

कॅन्टोन्मेंट बोर्डाच्या प्रशासकीय विभागात भरती, २५ हजार ते १ लाखापर्यंत मिळेल पगार
मार्चमध्ये निकाल जाहीर
सीबीएसई बोर्डाकडून आतापर्यंत निकालाचे अपडेट न मिळाल्यास मार्चमध्ये निकाल जाहीर होऊ शकतो, असे मानले जात आहे. सीबीएसईची प्रॅक्टीकल परीक्षा देखील २ मार्च २०२२ पासून सुरू होणार आहे. त्यामुळे बोर्डाकडून सीबीएसई टर्म १ आणि टर्म २ चा निकाल (CBSE Result)एकाच वेळी जाहीर केला जाऊ शकतो. विद्यार्थ्यांना अधिकृत वेबसाइट cbse.nic.in वर अपडेट पाहण्याचा सल्ला देण्यात आला आहे.

२६ एप्रिलपासून परीक्षा
२०२१-२२ या वर्षासाठी सीबीएसईच्या दुसऱ्या टप्प्याची बोर्ड परीक्षा २६ एप्रिलपासून सुरू होण्याची तारीख बोर्डाने अधिकृतपणे जाहीर केली आहे. दरम्यान सीबीएसईने याचे वेळापत्रक जाहीर केले नाही. हे वेळापत्रक मार्च २०२२ च्या पहिल्या आठवड्यात प्रसिद्ध होण्याची शक्यता आहे.

देशभरातील विद्यार्थी आणि पालक टर्म २ च्या परीक्षा ऑफलाइनऐवजी ऑनलाइन घेण्याची मागणी करत आहेत. यासंदर्भात विद्यार्थी विविध सोशल मीडिया प्लॅटफॉर्मवर शिक्षणमंत्री, सीबीएसई आणि इतरांना विनंती करत आहेत. शिकवणी वर्ग ऑनलाइन घेण्यात आले होते आणि करोना प्रादुर्भाव संपला नसताना परीक्षा ऑफलाइन का? असा प्रश्न विद्यार्थी उपस्थित करत आहेत. त्यामुळे सीबीएसई टर्म २ परीक्षा २०२२ ऑनलाइन पद्धतीने घेण्यात यावी अशी मागणी करण्यात येत आहे.

MPSC अंतर्गत पशुधन विकास अधिकारी पदांची भरती, जाणून घ्या तपशील

CBSE दहावी, बारावीचा निकाल उमंग अॅपवर तपासण्यासाठी..
स्टेप १) मोबाइलमध्ये उमंग अॅप डाउनलोड करा.
स्टेप २) अॅपच्या होमपेजवर ऑल सर्व्हिसेस टॅबवर क्लिक करा.
स्टेप ३) त्यानंतर दहावी किंवा बारावीचे निकाल पाहण्यासाठी ‘CBSE’ या लिंकवर क्लिक करा.
स्टेप ४) आवश्यक क्रेडेन्शियल्स भरुन लॉग इन करा.
स्टेप ५) सीबीएसई टर्म १ इयत्ता दहावी किंवा इयत्ता बारावीच्या निकाल लिंकवर क्लिक करा.
स्टेप ६) तुमचा रोल नंबर आणि नोंदणीकृत मोबाईल नंबर एंटर करा.
स्टेप ७) तुमचा निकाल स्क्रीनवर दिसेल.

Indian Navy मध्ये दहावी पास असणाऱ्यांना नोकरीची संधी