MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
सीबीएसई टर्म २ प्रॅक्टिकल परीक्षा २०२२
सीबीएसईद्वारा जारी नोटिफिकेशननुसार, सीबीएसई दहावी, बारावी प्रॅक्टिकल परीक्षा, प्रोजेक्ट किंवा अंतर्गत मूल्यमापन बुधवारी २ मार्च २०२२ पासू सुरू होणार आहेत. या परीक्षा दहा दिवस आयोजित केल्या जाणार आहेत. प्रॅक्टिकल परीक्षा कोविड-१९ दिशा-निर्देश ध्यानात घेऊन विद्यार्थ्यांच्या शाळेतच होणार आहेत. बोर्डाने शाळांना सांगितले आहे की प्रात्यक्षिक परीक्षांचे गुण एकदाच अपलोड करता येईल. त्यामुळे अपलोड करण्याआधी गुण योग्य पद्धतीने मोजले जावेत. यात दुरुस्तीची संधी मिळणार नाही.
२६ एप्रिलपासून सुरू होणार सीबीएसई टर्म २ लेखी परीक्षा
यापूर्वी सीबीएसईने सूचना दिली होती की दहावी आणि बारावीच्या टर्म २ च्या लेखी परीक्षा २६ एप्रिल २०२२ पासून सुरू होतील. मात्र बोर्डाने (CBSE)ने अद्याप टर्म २ परीक्षांची विस्तृत डेटशीट (CBSE Term 2 Datesheet) जारी केलेली नाही. विद्यार्थ्यांनी अद्ययावत माहितीसाठी वेबसाइटला भेट देत राहावी.
CBSE टर्म २ प्रात्यक्षिक परीक्षांचे नोटिफिकेशन वाचण्यासाठी येथे क्लिक करा
CBSE प्रात्यक्षिक परीक्षा 2022 महत्त्वाची मार्गदर्शक तत्त्वे
CBSE ने टर्म २ प्रात्यक्षिक परीक्षेच्या तारखेसह महत्त्वाची मार्गदर्शक तत्त्वे आणि सावधगिरीचे उपाय देखील दिले आहेत. परीक्षेदरम्यान देखरेखीची जबाबदारी बाहेरील परीक्षकांवर सोपविण्यात येणार आहे. याशिवाय, विद्यार्थ्यांची सुरक्षितता सुनिश्चित करण्यासाठी सर्व कोविड-१९ प्रोटोकॉलचे पालन करण्याचे निर्देशही शाळांना देण्यात आले आहेत. दुसरीकडे, खासगी शाळेतील विद्यार्थ्यांना टर्म २ च्या प्रात्यक्षिक परीक्षेत बसण्याची आवश्यकता नाही. अधिक तपशीलांसाठी सूचना काळजीपूर्वक वाचा.
HSC Exam Revised Timetable महत्त्वाचे: बारावी लेखी परीक्षेच्या वेळापत्रकात अंशत: बदल
SSC HSC Exam 2022: दहावी, बारावी परीक्षेपूर्वी केंद्रसंचालकांना सूचना
