सीटीईटी डिसेंबर परीक्षेचे आयजोन (CTET डिसेंबर २०२१) १६ डिसेंबर २०२१ ते १३ जानेवारी २०२२ या कालावधीत करण्यात आले. परंतु तांत्रिक कारणांमुळे १६ आणि १७ डिसेंबरच्या प्रत्येकी एका शिफ्टची परीक्षा पुढे ढकलण्यात आली होती जी १७ जानेवारी रोजी घेण्यात आली होती. या परीक्षेचा निकाल अधिकृत वेबसाइट ctet.nic.in वर पाहता येईल. सीटीईटी प्रमाणपत्राची वैधता आयुष्यभर राहते.
CTET 2021: या स्टेप्स फॉलो करुन पाहा निकाल
सीबीएसईद्वारे सीटीईटी डिसेंबर २०२१ चा निकाल अधिकृत वेबसाइट ctet.nic.in वर जाहीर केला जाणार आहे. निकाल जाहीर झाल्यानंतर, उमेदवार या पोर्टलवरील होमपेजवर सक्रिय करण्यासाठी लिंकवर क्लिक करून निकाल पाहू शकतात. उमेदवारांना या पेजवर तपशील (रोल क्रमांक इ.) सबमिट करून त्यांचा निकाल आणि गुण समजू शकणार आहेत.
उत्तरतालिकेवरुन वाद, सीबीएसईचा निर्णय अंतिम
सीबीएसईने जाहीर केलेल्या उत्तरतालिकेमध्ये असलेल्या अनेक त्रुटींबाबत उमेदवार सोशल मीडियाच्या माध्यमातून विरोध प्रदर्शित करीत आहेत. तसेच प्रत्येक प्रश्नासाठी १००० रुपये शुल्क देण्यावरुनही प्रश्न उपस्थित केले जात आहेत. दुसरीकडे ३१ जानेवारी २०२२ रोजी सीबीएसईने जाहीर केलेल्या नोटीसनुसार, सीटीईटी अंतिम उत्तरतालिका २०२१ वर बोर्डाचा निर्णय अंतिम असेल.
CTET परीक्षा म्हणजे काय?
सीबीएसईतर्फे सीटीईटी परीक्षा वर्षातून दोनदा घेतली जाते. ही परीक्षा उत्तीर्ण झालेले उमेदवार देशभरातील केंद्रीय विद्यालय, नवोदय विद्यालय आणि आर्मी स्कूलमधील शिक्षकांच्या पदावर नियुक्तीसाठी अर्ज करू शकतात. सीटीईटीच्या पेपर १ मध्ये उत्तीर्ण झालेले उमेदवार इयत्ता पहिली ते पाचवीमधील शिक्षक भरतीसाठी पात्र मानले जातील. तर पेपर २ मध्ये उत्तीर्ण झालेले उमेदवार इयत्ता सहावी ते आठवीच्या शिक्षक भरतीसाठी पात्र असतील.
सीटीईटी २०२१ परीक्षा एकूण १५० गुणांची आहे. उत्तीर्ण होण्यासाठी सामान्य श्रेणीतील उमेदवारांना CTET निकाल २०२१ मध्ये किमान ६० टक्के म्हणजेच ९० गुण मिळणे आवश्यक आहे. तसेच राखीव प्रवर्गातील (एससी, एसटी आणि ओबीसी) उमेदवारांना किमान ५५ टक्के गुण मिळणे आवश्यक आहे.
अधिकृत वेबसाइटवर जाण्यासाठी येथे क्लिक करा