MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
नेमणुकांदरम्यान अनेक उमेदवारांकडून खोटी प्रमाणपत्र आणि कागदपत्रांमध्ये छेडछाड केल्याच्या घटना समोर येतात. पण नॅशनल अॅकॅडेमिक डिपॉझिटरीमध्ये (National Academic Depository) जतन केलेल्या कागदपत्रांमध्ये कोणतेही बदल करता येणार नाहीत. म्हणूनच सीबीएसईने एज्युकेशन डिपॉझिटरीचा स्वीकार केला. यानंतर आयसीएसई आणि दिल्ली विद्यापीठानेही याचा वापर केला आहे.
NAD म्हणजे काय आणि मोफत आयडी कसा तयार करायचा?
विद्यार्थ्यांना येणाऱ्या अडचणी लक्षात घेऊन केंद्र सरकारने शैक्षणिक पुरस्कार आणि कागदपत्रांसाठी एनएडी म्हणजेच नॅशनल अॅकॅडमिक डिपॉझिटरी (National Academic Depository, NAD) पोर्टल सुरू केले होते. या पोर्टलवरील मार्कशीट आणि प्रमाणपत्रे डिजिटलायझेशनद्वारे सुरक्षित ठेवली जातात. नॅशनल अॅकॅडमिक डिपॉझिटरी पोर्टलवर नोंदणी आणि ओळखपत्र तयार करण्यासाठी कोणत्याही प्रकारचे शुल्क आकारले जात नाही. तुम्ही NAD पोर्टलवर जाऊन दिवसभरात कधीही सबमिट केलेली कागदपत्रे पाहू शकतात.
RBI Recruitment: रिझर्व्ह बँक ऑफ इंडियामध्ये विविध पदांची भरती
NAD ID चे तीन मोठे फायदे
राष्ट्रीय शैक्षणिक डिपॉझिटरीमध्ये सीटीईटी प्रमाणपत्र अपलोड करण्याचे तीन प्रमुख फायदे आहेत. पहिला फायदा म्हणजे आता मार्कशीट, प्रमाणपत्रात कोणतीही छेडछाड होणे शक्य नाही. कारण ते डिजिलॉकरमध्ये पूर्णपणे सुरक्षित असतात. तर दुसरा फायदा असा की डिजिलॉकरच्या NAD म्हणजेच नॅशनल अॅकेडेमिक डिपॉझिटरी आयडीच्या सुविधेमुळे उमेदवारांना गुणपत्रिका आणि प्रमाणपत्रांचा फोटो किंवा प्रिंट आऊट काढण्याच्या त्रासापासून मुक्ती मिळते. तर तिसरे म्हणजे नोकरी देणाऱ्यांना अनेकदा नवीन नोकरीच्या ठिकाणी किंवा मुलाखतीच्या वेळी उमेदवारांच्या कागदपत्रांचे व्हेरिफिकेशन करावे लागते. अशावेळी डिजिलॉकरच्या माध्यमातून सर्व कागदपत्रे एकाच ठिकाणी पाहता येतात.
Army ADG Recruitment: अतिरिक्त डायरेक्टोरेट जनरल अंतर्गत विविध पदांची भरती
विशेष QR कोडद्वारे व्हेरिफिकेशन
डिजिटल लॉकर वेबसाइटवर राष्ट्रीय शैक्षणिक डिपॉझिटरी आयडी सुविधा वापरणारे सीबीएसई हे देशातील पहिले बोर्ड ठरले आहे. सीबीएसई बोर्डाने जानेवारी २०२१ ला याद्वारे केंद्रीय शिक्षक पात्रता चाचणी (CTET) च्या गुणपत्रिका आणि प्रमाणपत्रे जाहीर केली होती. त्यांची माहिती आणि लॉगिन तपशील सीबीएसईद्वारे डिजिलॉकरवर अपलोड केल्यानंतर उमेदवारांना त्यांच्या मोबाइल नंबरवर पाठवले जातात. उमेदवारांच्या प्रमाणपत्रांची सुरक्षितता लक्षात घेऊन सीटीईटी मार्कशीट आणि प्रमाणपत्रावर एक विशेष क्यूआर कोड तयार केला जातो. हा कोड स्कॅन केला जाऊ शकतो आणि डिजीलॉकर मोबाईल ऍप्लिकेशनच्या मदतीने सर्टिफाइड आणि व्हेरिफाइड केला जाऊ शकतो.
कॅन्टोन्मेंट बोर्डाच्या प्रशासकीय विभागात भरती, २५ हजार ते १ लाखापर्यंत मिळेल पगार
इस्टर्न कोलफिल्डमध्ये बारावी उत्तीर्णांना संधी, ३१ हजारपर्यंत मिळेल पगार
