बॉयफ्रेंड जहीर इक्बालसोबत सोनाक्षी सिन्हा दिसली या ठिकाणी;वरूण शर्मा म्हणाला…

मुंबई: अभिनेत्री सोनाक्षी सिन्हा नेमकी काय करतेय. सध्या ती कोणत्याही सिनेमात दिसत नाहीय मग आहे तरी कुठे असे अनेक प्रश्न तिच्या चाहत्यांच्या मनात आहेत. मोजके सिनेमे आणि हिट गाणी करून बॉलिवूडमधून जवळपास गायब झालेली सोनाक्षी सध्या प्रेमात आकंठ बुडाली आहे. जहीर इकबाल आणि सोनाक्षी सिन्हा यांचं अफेअर आता काही लपून राहिलेलं नाही. बऱ्याच दिवसांपासून ही जोडी रिलेशनशीपमध्ये आहे. नुकतीच त्यांनी मुंबईतील एका रेस्टॉरंटमध्ये डिनर डेट केली. दोघांचा खास मित्र अभिनेता वरूण शर्माने त्यांचा फोटो शेअर करत हीच आहे ब्लॉकबस्टर जोडी अशी कमेंट केली आहे.

वरूण शर्मा हा जहीर आणि सोनाक्षी यांचा खास मित्र आहे. वरूणमुळेच खरंतर सोनाक्षी आणि जहीर यांची ओळख झाली. पुढे ही मैत्री प्रेमापर्यंत पोहोचली. सोनाक्षी आणि जहीर यांच्या भेटीगाठी सध्या खूपच वाढल्या आहेत. एकमेकांसोबत वेळ घालवण्याची एकही संधी ही जोडी सोडत नाही. नुकतीच सोनाक्षी आणि जहीर हे मुंबईतील एका रेस्टॉरंटमध्ये पोहोचले. एकमेकांसोबत ते खूप आनंद दिसत असल्याचं वरूण शर्मा याच्या फोटोतून कळतंय. हाच फोटो वरूणने शेअर केला आहे.सोनाक्षी आणि जहीर यांचा फोटो शेअर करून वरूणने लिहिलं आहे की ओए होए, यालाच म्हणायची ब्लॉकबस्टर जोडी. हा फोटो वरूणने सोनाक्षी आणि जहीर यांनाही टॅग केला आहे.

काही दिवसांपूर्वी सोनाक्षीच्या वाढदिवसाचा एक व्हिडिओही जहीरने शेअर केला होता. त्या व्हिडिओलाही सोशलमीडियावर खूप कमेंट आल्या होत्या. या व्हिडिओत सोनाक्षी बर्गर खाताना दिसत आहे. जहीर सोनाक्षीला सोन्ज अशी हाक मारतो हे खूप कमी जणांना माहिती आहे. वाढदिवसाच्या शुभेच्छांमध्येही त्याने, सोन्ज, आय लव्ह यू. या पोस्टला सोनाक्षीनेही लव्ह यू अशी कमेंट केली आहे. सोनाक्षी जेव्हा जहीरला आवडली होती तेव्हा त्याने त्याचं प्रेम खुल्लमखुल्ला व्यक्त केलं होतं.