बॉलिवूड स्टार्सने मुलांना वाढदिवसाला दिलं करोडोंचं गिफ्ट, तुम्ही म्हणालं यामध्ये तर आमचं घरं येईल

​आराध्या बच्चन

आराध्याचा जन्म 16 नोव्हेंबर 2011 रोजी बच्चन कुटुंबात झाला. 16 नोव्हेंबर 2012 रोजी जेव्हा आराध्या एक वर्षाची झाली, तेव्हा तिचे बाबा अभिषेक बच्चन आणि आई ऐश्वर्या राय बच्चन यांनी तिला लाल रंगाची BMW Mini Cooper S तसेच दुबईत तिच्यासाठी हॉलिडे होम भेट दिली. तिच्या दुबई हॉलिडे होमची किंमत सुमारे 54 कोटी रुपये आहे आणि जेव्हा आराध्या 4 वर्षांची झाली तेव्हा अभिषेकने तिला वाढदिवसाची भेट म्हणून ऑडी A8 दिली.

(वाचा – गणपतीला कधी राग येतो का? बाप्पाला हत्तीचं डोकं का? यासारख्या प्रश्नांची मॉर्डन उत्तर मुलांना नक्की सांगा)

​तैमूर अली खान

आपल्या क्युटनेसमुळे संपूर्ण जगाचं लक्षवेधून घेणारा तैमूर अली खान. वडील सैफ अली खान आणि आई करीना कपूर खान यांच्यापेक्षा तैमूर अली खानचा चाहता वर्ग मोठा आहे. 20 डिसेंबर 2016 मध्ये तैमूरचा जन्म झाला. महत्वाचं म्हणजे तैमूरच्या जन्मापूर्वीच त्याचा मोठा चाहता वर्ग तयार झाला होता. तैमूरचा स्टारडम देखील खास आहे.

तैमूरला आपल्या पहिल्या वाढदिवसाला वडिल सैफ अली खानने जवळपास 1.3 करोड रुपयांची कार गिफ्ट केली. महत्वाचं म्हणजे या लाल रंगाच्या जीपमध्ये बेबी तैमूरसाठी एक बेबी सीट देखील होती.

(वाचा – कुणासमोरही दोन वर्षांनंतरच्या मुलांचे कपडे बदलणे टाळा, Sexual Abuse साठी कारणीभूत ‘या’ गोष्टी, सुधा मूर्ती टिप्स))

​आर्यन आणि सुहाना खान

शाहरुख खान आणि गौरी खान यांनी आपल्या मुलांना, आर्यन आणि सुहानाला आतापर्यंत अनेक महागड्या भेटवस्तू दिल्या आहेत. परंतु मीडियामध्ये चर्चा झाले ती म्हणजे ऑडी A6 या कारची. 2009 मध्ये बॉलीवूडच्या किंग खानने आर्यन आणि सुहानाला मल्टीमीडिया नेव्हिगेशन सिस्टम आणि डीएसपी साउंड सिस्टमने सुसज्ज असलेली ऑडी A6 कार भेट दिली. शाहरुख खानच्या पॅरेंटिंगची चर्चा कायमच होत असते.

(वाचा – Queen Elizabeth II :राणीने राजकुमारी बीट्रिसचे नाव ठेवले Too Yuppie, शाही कुटुंबातील नाव ठेवण्याची पद्धत जगावेगळी)

​आदिरा चोप्रा

राणी मुखर्जी आणि आदित्य चोप्रा यांची मुलगी आदिरा. महत्वाचं म्हणजे या पालकांना 2 वर्षांच्या आदिरा चोप्राला पापाराझीपासून दूर ठेवण्यात यश मिळवले. आदिराला तिच्या वाढदिवसाची भेट म्हणून एक नाही तर दोन बंगले भेट देण्यात आले आहेत. ज्यांचे सध्या मुंबईतील जुहू येथे बांधकाम सुरू आहे. हे बंगले यशराज स्टुडिओ आणि यारी रोडवरील त्यांच्या निवासस्थानाजवळ आहेत.
(वाचा – Lord Ganesh Names : बाप्पाच्या नावावरून ठेवा तुमच्या मुलाचं नाव, गणरायाच्या अगदी जवळची 10 नावे)

​यश आणि रूही जोहर

बी-टाऊनचा दिग्दर्शक, करण जोहरने यश जोहर आणि रुही जोहर या जुळ्या मुलांना एक खास नर्सरी भेट दिली. यश आणि रुहीसाठी करण जोहर सिंगल फादर असून दोघांची भूमिका सांभाळत आहे. यश आणि रुही यांच्या नर्सरीची रचना त्याच्या जवळची मैत्रीण आणि सर्वोत्तम इंटिरियर डिझायनर गौरी खान यांनी केली आहे.

(वाचा – रविंद्र जडेजाने कुठून शोधून आणलं मुलीचं इतकं सुंदर नाव? प्रत्येकजण या नावाच्या प्रेमात)

​मिशा शाहीद कपूर

शाहिद कपूर आणि मीरा राजपूत त्यांच्या लाडक्या मीशा कपूरसाठी सर्व काही खास बनवण्यात कोणतीही कसर सोडत नाहीत. मीशा तिच्या पालकांसाठी अतिशय खास आहे आणि तिचा पहिला वाढदिवस अविस्मरणीय बनवण्यासाठी शाहिद आणि मीराने तिला लंडन ट्रिप भेट दिली. शाहिद आणि मीरा तिचा पहिला वाढदिवस साजरा करण्यासाठी मीशासोबत फॅमिली ट्रीपला लंडनला गेले होते.

(वाचा – गर्भधारणेला गर्भाशयाच्या फायब्रॉइड्स ठरतात घातक? गर्भवती स्त्रियांनी घ्यावी ही काळजी)