अरुंधती तू रड,भांड पण… आशुतोषनं असं काय विचारलं आपल्या मैत्रिणीला?

मुंबई : आई कुठे काय करते मालिकेत अरुंधतीच्या घरच्या गणपतीत सगळ्यांनीच आनंद साजरा केला. गाणी म्हटली. एकदम प्रसन्न वातावरण होतं. त्यामुळे अनिरुद्धनं कडवटपणे मारलेले टोमणे फारसे कोणी मनावर घेतले नाहीत. नितीन आशुतोषला अरुंधतीला मनातलं सांगून टाक म्हणून पाठी लागलाय. पण तो घाबरतोय. अरुंधती मैत्री तोडेल असं त्याला वाटतंय.

आता एक व्हिडिओ समोर आलाय. त्यात आशुतोष आणि अरुंधती घरी आहेत. गणपतीची आवराआवर सुरू आहे. आशुतोष अरुंधतीला म्हणतो, मी आता तुला एक गोष्ट सांगणार आहे. तू रड, तू भांड, तू चिड पण ती गोष्ट ऐकल्यावर आपली मैत्री तोडू नकोस. यावर शांतपणे अरुंधती म्हणते, हो बोला ना, मी ऐकतेय. आता आशुतोष सगळं सांगू शकेल का की तो सांगताना मधे काही अडथळा येईल, याची उत्सुकता आहे.

आयुष्मान खऱ्या आयुष्यातही बनलेला ‘विकी डोनर’; या कारणामुळे केले होते स्पर्म डोनेट

याआधीही आशुतोष काॅफी शाॅपमध्ये अरुंधतीला घेऊन गेला. तिथे तो त्यांच्या नात्याबद्दल बोलणार इतक्यात यशचा फोन येतो आणि अरुंधती तातडीने घरी जायला निघते, हे तर आपण पाहिलंच होतं. आता प्रेक्षकांनाही आशुतोषवर अन्याय होऊ नये असं वाटतंय.

इकडे नितीन आशुतोषला म्हणतोय, अरुंधतीला जे आतापर्यंत मिळालं नाही, ते आता मिळतंय. मग तुला का नाही मिळो? त्यावर आशुतोष मला काय नाही मिळालंय, असं विचारतो. नितीन म्हणतो, प्रेम. आता अरुंधती आणि आशुतोषमध्ये खरोखर प्रेम फुलणार का?

फिजिक्स शिकताना जुळली केमिस्ट्री, आयुष्मान खुरानाची हटके लव्हस्टोरी!

मालिकेत आप्पा गावाला गेलेले दाखवलेत. पण किशोर महाबोले यांच्या अंगात ताप होता, त्यांना बसताही येत नव्हतं तरी त्यांनी मालिकेचं शूटिंग अडून राहू नये म्हणून काम पूर्ण केलं. या वयातही त्यांच्या या जिद्दीचं, कामाप्रतीअसणाऱ्या निष्ठेचं कौतुक झालं. असं मिलिंद गवळीनं आपल्या पोस्टमध्ये लिहिलं. त्यामुळे आता ते थोडे दिवस सुट्टीवर आहेत.