MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
सागर आव्हाड, झी मीडिया, पुणे : पुण्यात (Pune News) रविवारी रात्री झालेल्या एका विचित्र अपघातात दोन जणांचा दुर्दैवी मृत्यू झाला आहे. कोंढव्यातील एनआयबीएम रस्त्यावर इशरत बाग परिसरात भरधाव बसचे (brake fail) ब्रेक निकामी झाल्याने बसने पाच ते सहा वाहनांना जोरदार धडक दिली. या अपघातात दोघांचा मृत्यू झाला असून चार जण गंभीर जखमी झाले आहेत. जखमींना जवळच्या रुग्णालयात दाखल करण्यात आले आहे. या अपघाताची धक्कादायक दृश्ये सीसीटीव्हीमध्ये (CCTV) कैद झाली आहे.
पुण्यातील उंड्री चौकातील एनआयबीएम रस्त्यावर इशरत बाग परिसरात रविवारी रात्री साडेआठच्या सुमारास एका खासगी ट्रॅवल बसचे ब्रेक फेल झाले. त्यानंतर वेगात असलेल्या बसने पाच ते सहा वाहनांना जोरदार धडक दिली. या अपघातात दोघांचा जागीच मृत्यू झाला आहे. तर चार जण गंभीर जखमी झाले आहेत. जखमींना तातडीने रुग्णालयात दाखल करण्यात आले. या घटनेची माहिती मिळताच कोंढवा पोलिसांनी घटनास्थळी धाव घेतली.
Maharashtra | Two people died & 5 were injured after the brakes of a vanity van failed & it rammed into several vehicles. The incident happened at Palace Orchard Society, NIBM-Undri Road, Kondhwa. 6 vehicles were damaged in the accident. Investigation underway: Pune Police… pic.twitter.com/ch8cp7JbSo
— ANI (@ANI) May 21, 2023
मोहम्मदवाडी परिसरात अपघात झाल्याने मोठी वाहतूक कोंडी निर्माण झाली. तीव्र उतारावरच बसचा ब्रेक फेल झाल्याने हा भीषण अपघात झाला आहे. भरधाव बसने अक्षरक्षः लोकांना चिरडले. अपघाताच्या ठिकाणी जवळच असलेल्या सीसीटीव्हीमध्ये हा सर्व प्रकार कैद झाला आहे.
पुण्यातील उंड्री चौकात विचित्र भीषण अपघात झाला आहे. ट्रव्हल्स बसने पाच ते सहा गाडय़ांना धडक दिली असून यामध्ये दोघांचा मृत्यू झाला तर चौघे जखमी झाले आहेत. #accident #pune #marathinews pic.twitter.com/DEPZMw5HK4
— ZEE २४ तास (@zee24taasnews) May 22, 2023
या अपघातात प्रशांत भानुदास घेमुड (37 रा. बधेनगर, कोंढवा खुर्द) आणि एका दुचाकीस्वार महिलेचा मृत्यू झाला आहे. रिक्षाचालक मधू कुवर, रिक्षातील प्रवासी अलिस्टर मर्चंट, टेम्पोतील इस्माईल सय्यद, रफिक देशमुख हे चौघे गंभीर जखमी झाले आहेत. जखमींवर ससून रुग्णालयात उपचार करण्यात येत आहेत. दरम्यान, या प्रकरणी कोंढवा पोलिसांनी बसचालक आरोपी मैनुद्दीन मेहबूब शेख (42) याला ताब्यात घेतले आहे.
