ईशान किशनने पटनाच्या दिल्ली प्रायमरी स्कूलमधून प्राथमिक शिक्षण पूर्ण केले. त्यानंतर पटना येथील कॉलेजमधून त्याने पुढील शिक्षण पूर्ण केले. मी ईशानसारखा क्रिकेटप्रेमी कधीच पाहिला नाही. क्रिकेटसाठी तो सगळे खाणे-पिणे विसरुन जायचा. त्याला क्रिकेटपेक्षा काहीही महत्त्वाचं नाही असं वाटत होतं. तो खेळण्यासाठी पाटण्याहून रांचीला कधी पोहोचायचा आणि वर्गात कधी यायचा हे कळत नसे, असे ईशानची बालपणीची मैत्रीण यशस्वी सिंग सांगते.
ईशानच्या क्रिकेट वेडामुळे त्याला शाळेतून काढून टाकण्यात आले. शाळेतून काढून टाकल्यानंतरही ईशानला त्रास झाला नाही कारण त्याची बॅट एक ना एक दिवस भारतासाठी इतिहास घडवेल हे त्याला माहीत होते असेही ती सांगते.
यशस्वी म्हणते की आज तो दिवस आठवतोय जेव्हा ईशानने असं म्हटलं होतं. यशस्वी सांगतात की तो डीपीएस पब्लिक स्कूलमध्ये इशानसोबत नववीच्या वर्गात शिकत असे आणि तिथूनच त्याला शाळेतून काढून टाकण्यात आले. यानंतर इशानने फुलवारी येथील एका खासगी शाळेतून मॅट्रिक केले.
वयाच्या ७ व्या वर्षी बॅट हातात
आशियाना, बेली रोड, पटना येथे वयाच्या सातव्या वर्षी बॅट हातात घेणाऱा ईशान सर्वोत्तम यष्टिरक्षक आणि फलंदाज आहे. तो झारखंडकडून रणजी खेळायचा. प्रशिक्षक आणि टीम इंडियाचा माजी कर्णधार राहुल द्रविडच्या मार्गदर्शनाखाली ईशानची प्रतिभा फुलली आणि त्याला अंडर-१९ संघाचे नेतृत्व करण्याची संधी मिळाली.