मेथी दाणे आणि आवळ्याच्या वापराने होतील नैसर्गिकरित्या घनदाट केस, लांब केसांसाठी असा करा वापर

​मेथी आणि आवळ्याचा कसा करावा वापर​

How To Use Fenugreek Seeds And Amla Powder: मेथी दाणे आणि आवळा या दोन्ही गोष्टींचा केसांना चांगला उपयोग होतो. तसंच याचे केसांवर दुष्परिणाम होत नाहीत. पण याचा कसा वापर करावा जाणून घ्या.

• २-३ चमचे मेथी दाणे रात्री पाण्यात भिजवा
• सकाळी उठल्यावर हे वाटून घ्या त्यामध्ये साधारण दीड चमचा आवळा पावडर मिक्स करा
• तुम्हाला हवं असल्यास २ चमचे ऑलिव्ह ऑईल मिक्स करा आणि व्यवस्थित पेस्ट करा
• त्यानंतर स्काल्पला लावा आणि मसाज करा
• ही पेस्ट साधारण २ तास केसांवर तशीच राहू द्या
• नंतर स्वच्छ पाण्याने धुवा आणि हा प्रयोग तुम्ही आठवड्यातून दोन वेळा केसांवर करू शकता

​केसांना मिळते पोषण​

Hair Nutrition: मेथी दाणे आणि आवळ्यामुळे केसांना मुळापासून पोषण मिळते. तसंच केसांचे तुटणे आणि केसगळतीचे प्रमाण कमी होण्यास मदत मिळते. याच्या नियमित वापरामुळे केसांमध्ये मुलायमपणाही टिकून राहतो. मेथी आणि आवळ्याच्या एकत्रित वापरामुळे केसांमधील खाज, कोंडा होणे, केस कोरडे होणे या समस्या निघून जाण्यास मदत मिळते. तसंच नैसर्गिक स्वरूपात केस काळे राहतात आणि जलद गतीने केस वाढण्यासही मदत मिळते. घनदाट केसांसाठी याचा वापर करावा.

मेथी दाणे अथवा आवळा यापैकी कोणत्याही पदार्थाची अलर्जी असेल तर त्याचा वापर करू नका. है नैसर्गिक पदार्थ आहेत मात्र तरीही तुम्ही वापरण्याआधी तुमच्या डर्मेटॉलिजिस्टचा सल्ला नक्की घेऊ शकता.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com