रिकाम्या पोटी गुळाचे पाणी पिणे गुणकारी, बॉडी डिटॉक्ससह होतील हे ५ फायदे

तज्ज्ञांकडून जाणून घ्या गुळाचे पाणी पिण्याचे फायदे

​सर्दी होते कमी

पौष्टिकतेने युक्त असलेल्या गुळामुळे सर्दी, खोकला आणि फ्लूची लक्षणे दूर होतात. यात अनेक फिनोलिक संयुगे असतात, जे ऑक्सिडेटिव्ह तणावाशी लढतात, शरीराला आराम देतात आणि आपले आरोग्य प्रभावीपणे व्यवस्थापित करतात.

(Gut Health : हेल्दी जेवणच बद्धकोष्ठता आणि अपचनाला जबाबदार, आठवणीने खा ५ प्रीबायोटिक फूड्स)

बॉडी डिटॉक्स करता फायदेशीर

शरीरातील विषारी पदार्थ बाहेर काढण्यासाठी गुळाचे पाणी तुमच्यासाठी फायदेशीर ठरू शकते. गुळामध्ये भरपूर प्रमाणात फायबर असते. जे तुमची पचनसंस्था सहज साफ करण्यास मदत करते. हे श्वसन प्रणाली, फुफ्फुस, अन्ननलिका, पोट आणि आतडे देखील स्वच्छ करते.

(वाचा – Fruits for Diabetes : ५ फळं खाऊन कंट्रोलमध्ये ठेवा डायबिटिज, इतर आजारांपासूनही होईल सुटका)

​रोगप्रतिकारक शक्ती वाढते

गुळाचे पाणी संसर्गाविरूद्ध प्रतिकारशक्ती वाढवण्यास मदत करते. खरं तर, गूळ मॅग्नेशियम, जीवनसत्त्वे B1, B6 आणि C चा चांगला स्रोत आहे. यासोबतच गुळात भरपूर अँटीऑक्सिडंट्स आणि मिनरल्स असतात, जे शरीराची प्रतिकारशक्ती वाढवण्याचे काम करतात.

(वाचा – ऋजुता दिवेकरने सांगितल्या प्रवासातील ४ बेस्ट टिप्स, यामुळे तुमचा प्रवास होईल अधिक सुखकर))

​वजन कमी करण्यासाठी फायदेशीर

शरीरात साठलेली अतिरिक्त चरबी कमी करण्यासाठी गुळाचे पाणी तुमच्यासाठी खूप उपयुक्त ठरू शकते. यामध्ये असलेले पोटॅशियम शरीरातील इलेक्ट्रोलाइट आणि मिनरल्सचे प्रमाण संतुलित ठेवण्यास मदत करते. चयापचय वाढवते आणि चरबी कमी करते.

​कसे तयार कराल गुळाचे पाणी

साहित्य

• गूळ
• चिया सिड्स
• लिंबू
• पुदीना पाने

(वाचा – ऋजुता दिवेकरने सांगितले 5 एनर्जी बूस्टर फूड, इम्युनिटी पॉवरसाठी सगळ्यात बेस्ट)

असे बनवा

• गूळ पाण्यात पूर्णपणे विरघळेपर्यंत उकळवा
• 10-15 मिनिटे थंड होऊ द्या
• गुळाच्या उकळलेल्या पाण्यात ३-४ लिंबू पिळून घ्या
• आणखी अर्धा तास थंड होऊ द्या
• सर्व्ह करण्यापूर्वी चांगले हलवा
• चांगल्या चवीसाठी चिया बिया आणि पुदिन्याची पाने घाला

(वाचा – How to Reduce Blood Sugar in 15 Days: आयुर्वेदिक डॉक्टरांनी सांगितलं खास चूर्ण, १५ दिवसांत कमी होणार ब्लड शुगर))

टीप : हा लेख फक्त सामान्य माहितीसाठी आहे. हा कोणत्याही प्रकारचा पर्याय असू शकत नाही. अधिक तपशीलांसाठी नेहमी आपल्या तज्ञांशी संपर्क साधावा.