लठ्ठपणावर मात करायचीय? ऋजुता दिवेकरने सांगितलेल्या ८ टिप्स फॉलो करा, चरबी सगळी वितळून जाईल

ऋजुता दिवेकर टिप्स

​बसू नका, हालचाल करा

३० मिनिटे बसल्यावर ३ मिनिटे उभे राहा. अनेकदा आपल्यापैकी अनेकांच काम हे बसून असते. अशावेळी अगदी ३० मिनिटे नाही पण हातातील काम झाल्यावर उठणं अतिशय गरजेचे आहे. काम झाल्यावर चालला नाहीत तरी चालेल पण उभे राहा दोन्ही पायांवर अगदी व्यवस्थित.
उभे राहताना देखील एक नियम आवर्जून पाळा. दोन्ही पायांवर समान वजन देऊन उभे राहा. सोप्या शब्दात सांगायचं तर विश्राम स्थितीत उभे राहा. एका बाजूला झुकून उभे राहू नका.

​चालण्याचा पर्याय निवडा

चालणं हा पर्याय कायमच फायदेशीर ठरतो. अशावेळी तुम्ही ऑफिसला जाताना किंवा घरी जाताना जिने चढण्याचे पर्याय निवडा. रोज किमान ४ मजले वर जा.
तसेच कार दूर पार्क करून चालण्याचा पर्याय निवडा. कमी अंतराच्या ठिकाणी गाडी न नेता चाला. किमान ५०० पायऱ्या दररोज चढा-उतारा.

(वाचा – बद्धकोष्ठता आणि हृदयाच्या आरोग्याकरता सर्वोत्तम ठरते ‘ही’ भाजी, हाडांना १०० टक्के करेल मजबूत)

​या गोष्टी न ​चुकता करा

आठवड्यातून एक दिवस वेगळा असू द्या. जसे की, मुलांना पार्क, गार्डन किंवा इतर ऍक्टिविटीला घेऊन जा. मुलांना नातेवाईक किंवा मोकळ्या पर्यावरण असलेल्या ठिकाणी घेऊन जा.
तसेच आठवड्यातील एक काम गॅजेट शिवाय करा. जसे की, कपडे धुणे, घरातील भांडी घासणे, घर झाडून घ्या जेणे करून शरीराची हालचाल होऊ शकते. ज्यामुळे लठ्ठपणा कमी होण्यास मदत होते.