वजन घटविण्यासाठी करा जेवणात असा बदल

रात्रीच्या जेवणातील पदार्थांकडे द्या लक्ष

जेव्हा तुम्ही रात्री जेवता तेव्हा आपल्या ताटात नक्की काय पदार्थ आहेत याकडे लक्ष द्या. रात्रीच्या वेळी अधिक तिखट अथवा तळलेले पदार्थ खात असाल तर ते टाळणे योग्य आहे. वजन कमी करायचे असेल तर याकडे विशेष लक्ष द्यावे. रात्री जड पदार्थ खाल्ल्यास, पचनक्रिया होणे कठीण जाते आणि त्यामुळे पोटात चरबी साठून वजन वाढू लागते. त्यामुळे तुम्ही अगदी चीट मीलदेखील करत असाल तर तो रात्री न घेता दुपारी घ्यावा. रात्रीच्या जेवणातील पदार्थांबाबत कटाक्षाने दक्षता घ्यावी.

अन्नाच्या दर्जावर करा लक्ष केंद्रित

रात्रीच्या जेवणात आपण काय खातोय याकडे विशेष लक्ष देण्याची गरज आहे. हेल्दी पद्धतीने वेट लॉस करायचे असेल तर जेवणात हेल्दी आणि लाईट पदार्थ खाण्याकडे कल असतो. पण हलके जेवण खाल्ल्यानंतरही वजन कमी होत नसेल तर तुम्हाला पदार्थाच्या दर्जाकडे लक्ष देण्याची गरज आहे. म्हणजेच हलका पदार्थ आहे म्हणून तो अति खाल्ला जातो. त्यामुळे कॅलरी वाढते आणि वजन कमी होण्यापेक्षा वजन वाढीला लागते. त्यामुळे आपण किती प्रमाणात खातोय याकडेही लक्ष द्या. (वाचा – Flax Seeds For Diabetes : साखर कंट्रोल करण्यासाठी अळशी गुणकारी, इन्सुलिन घ्यावच लागणार नाही)

रात्रीच्या जेवणाच्या वेळेत बदल

वजन कमी करण्यासाठी जेवणाची वेळ योग्य असणे महत्त्वाचे ठरते. बरेचदा जेवल्यावर लोक लगेच झोपतात. पण त्यामुळे अन्न पचत नाही. तर काही जण आधीच जेवतात आणि दोन – तीन तासाने झोपतात. या दोन्ही पद्धती चुकीच्या आहेत. झोपण्याच्या चार तास आधी जेवल्यास, रात्री अचानक भूक लागते आणि त्याचाही वजनवाढीवर परिणाम होतो. त्यामुळे जेवल्यानंतर किमान एक ते दोन तास जातील इतकाच कालावधी असावा. ८ वाजता जेवल्यास, तुम्ही १० वाजता झोपावे.

(वाचा – Juice For Weight Loss : लठ्ठपणामुळे सगळीकडून लोंबकळते चरबी, या ५ ज्यूसने झपाट्याने कमी होईल वजन)

जेवण्याच्या आधी प्यावे सूप

हा एक अत्यंत सोपा बदल आहे. तुम्हाला वजन कमी करण्यासाठी उपयुक्त ठरणारा बदल. रात्रीच्या जेवणापूर्वी सूप पिण्याने अनेक पोषक तत्व मिळतात. तसंच तुमचे पोट अधिक भरते आणि त्यामुळे जेवण अधिक जात नाही. म्हणजेच ओव्हरइटिंग हा प्रकार घडत नाही. यामुळे वजन घटविण्यासाठी मदत मिळते. शरीराला आवश्यक पुरेशी तत्व मिळाल्याने शरीरालाही त्रास होत नाही.

(वाचा – व्हेरिकोज वेन्सची वाढती समस्या आणि कशी घ्याल काळजी)

दुसऱ्याच्या ताटात जेऊ नका

अनेकदा आपण आपले जेवण झाल्यावर आपल्या जवळच्या व्यक्तीच्या ताटातूनही खातो. पण असं अजिबात करू नका. दुसऱ्या कोणाहीसह जेवण शेअर करू नका. कारण आपण कमी खातोय हे दाखवून दुसऱ्याच्या ताटातील खाल्ल्याने तुमचं वजन हे वाढणारच आहे. त्यामुळे किमान स्वतःला फसवू नका. तसंच दुसऱ्याच्या ताटातून जेवल्यास, आपण नक्की किती खातोय याचा अंदाजही येत नाही. त्यामुळे शक्यतो हे टाळा.

रात्रीच्या जेवणात हे सोपे बदल तुम्ही करून पाहा आणि त्यानंतर तुमचे वजन कमी होतंय की नाही ते पाहा. यामुळे वजन कमी करण्यास नक्कीच मदत मिळते.

(फोटो क्रेडिटः Canva)