रात्री झोपताना ब्रा घालून का झोपू नये, काय सांगतो रिसर्च

कॅन्सरचा धोका

तुम्ही कितीही नाही म्हटलं तरीही ब्रा ही स्तनांना घट्टसर बसते. त्यामुळे अशी घट्ट ब्रा घालून तुम्ही रात्रभर झोपत असाल तर स्तनांमध्ये कॅन्सरची गाठ निर्माण होण्याची दाट शक्यता नाकारता येत नाही. एका रिसर्चमध्ये सांगण्यात आल्यानुसार, ही बाब सिद्ध झाली आहे. स्तनाच्या कर्करोगाचे प्रमाण सध्या महिलांमध्ये अधिक प्रमाणात दिसून येत आहे. तसंच हे प्रमाण वाढत असल्याचंही दिसून येत आहे. त्यामुळे रात्री झोपताना ब्रा घालून झोपू नये. विशेषतः ज्या महिलांचे स्तन अधिक मोठे आहेत त्यांना जर ब्रा शिवाय जमत नसेल तर त्यांनी सैलसर ब्रा घालून झोपावे. त्यामुळे त्यांना कोणताही त्रास होणार नाही.

रक्ताभिसरण प्रक्रिया सुरळीत राहाते

ब्रा घालून झोपण्याने सर्वाधिक नुकसान होतं ते म्हणजे रक्ताभिसरण प्रक्रिया नीट होत नाही. ब्लड सर्क्युलेशन नीट राहिलं नाही तर खूपच त्रास होतो. शरीर निरोगी राहण्यासाठी रक्ताभिसरण प्रक्रिया सुरळीत चालू राहणं अत्यंत गरजेचे आहे. जेव्हा तुम्ही ब्रा काढून झोपता तेव्हा तुम्हाला अत्यंत हलकं वाटतं हे तुम्हालाही जाणवलं असेल. झोपताना कोणत्याही बंधनात न झोपल्यास, ब्लड सर्क्युलेशन प्रक्रिया नीट चालू राहते. त्यामुळे रात्री झोपताना सहसा ब्रा घालून झोपू नये.

(वाचा – ‘ब्रा’ऐवजी ‘बूब टेप’चा वापर करण्याची फॅशन, वेस्टर्न वेअरसाठी उपयोगी)

झोप पूर्ण होण्यासाठी

तुमची झोप अशीही कामामुळे पूर्ण होत नसेल, मग त्यात अजून ब्रा ची भर घालण्याची काय गरज आहे? या वाक्याचा अर्थ लागत नाहीये का? तर हे जाणून घ्या. ब्रा घट्ट घालून झोपल्यास, श्वास घेण्याचा त्रास होतो आणि मग झोप लागत नाही. श्वास अडल्यास, त्याचा सर्वात जास्त परिणाम हा झोपेवर होत असतो. तुमची झोपमोड होते आणि पुन्हा झोप लागत नाही. त्यामुळे ब्रा घालून झोपू नये.

(वाचा -ब्रा नक्की कधी बदलावी जाणून घेणे आहे गरजेचे, कसे मिळतात संकेत)

रॅश अथवा खाजेची समस्या उद्भवते

दिवसभर आपण काम करत असताना ब्रा घालून असतो. त्यामुळे स्तनांच्या खालच्या भागात घामामुळे आधीच लालसरपणा निर्माण झालेला असतो.तर उन्हाळ्यात याचा परिणाम जास्त दिसून येतो. दिवसभर आणि पुन्हा रात्रभर ब्रा घातल्यामुळे रॅश आणि खाज येण्याचा धोका अधिक वाढतो. ब्रा चे इलास्टिक अथवा वायर अधिक घट्ट असतात. त्यामुळे ब्रा त्वचेवर चिकटली जाते आणि स्तनांच्या आजूबाजूच्या त्वचेवर जळजळ होते, रॅशेस होतात आणि खाज येते. यामुळेच रात्रभर ब्रा न घालणं अधिक सोयीस्कर ठरते. तुम्हाला अगदीच ब्रा घालण्याची सवय असेल तर स्पोर्ट्स ब्रा घालून रात्री झोपा. यामुळे रॅशेसची समस्या होण्याचा धोका टळतो.

(वाचा – पॅडेड ब्रा किंवा रात्री ब्रा घातल्यामुळे Breast Cancer चा धोका वाढतोय? डॉक्टरांनी दिलेलं उत्तर महत्वाचं)

रिसर्चनुसार कपड्यांशिवाय झोपणं फायदेशीर

एका रिसर्चनुसार असे सांगण्यात आले आहे की, केवळ ३० टक्के लोकंच कपड्यांशिवाय रात्री झोपतात. तर काही जण केवळ अंडरवेअरवर झोपतात, उरलेले लोक हे आराम देणारा असा नाईटी ड्रेस वा सैलसर पायजमा घालून झोपण्याला प्राधान्य देतात. पण रिसर्चमध्ये सांगण्यात आल्यानुसार, कपड्यांशिवाय झोपणाऱ्या लोकांना अधिक चांगली झोप मिळते. कपड्यांशिवाय झोपल्यास, शरीराचं तापमान कमी होतं आणि म्हणून पटकन झोप लागते. त्यामुळे ब्रा, कपडे जितके कमी असतील तितके झोपताना उत्तम ठरतात.

वरील सर्व महत्त्वाच्या बाबी जाणून घेतल्यानंतरही तुमच्या मनात प्रश्न असतील आणि तुम्हाला रात्री ब्रा घालून झोपायचे असेल तर तुम्ही हलकी वा सैलसर ब्रा घाला. तज्ज्ञांनी सांगितलेल्याप्रमाणे, मोठे स्तन असणाऱ्या महिलांना छाती सैलसर पडू नये यासाठी ब्रा घालावीच लागते. त्यावेळी त्यांनी ही काळजी नक्की घ्यावी.

(फोटो क्रेडिटः Freepik.com)