१०० कोटीचा आलिशान बंगला, शिल्पा शेट्टीच्या घराचे इंटिरिअर पाहाल तर म्हणाल हा तर राजवाडाच

​फळाफुलांनी सजलेले मोठे गार्डन​

शिल्पाच्या बंगल्याच्या बाहेर अनेक फळं, भाजी आणि फुलांनी असे भरलेले आणि सजलेले गार्डन आहे. घरातच भाजी पिकवून ऑर्गेनिक भाजी खाण्यावर शिल्पा भर देते. अनेकदा ती वाढलेल्या फळांचा आणि भाज्यांचा व्हिडिओदेखील शेअर करत असते. याशिवाय याच गार्डनमध्ये निसर्गाच्या सान्निध्यात शिल्पा योगा करताना दिसून येते.

​देवघराचे उत्तम इंटिरिअर​

शिल्पा गणपती असो वा नवरात्र असो कोणताही सण हा मनोभावे साजरा करते. त्यानुसारच तिने सर्व देवीदेवतांच्या मूर्ती आणि फोटोंसह देवघराचे इंटिरिअर करून घेतले आहे. देवीभक्त असल्यामुळे देवघराचे इंटिरिअर करताना कमळाच्या फुलांचे छाप दरवाजावर कोरण्यात आले आहेत. तर फुलांची आरास मांडता येईल इतकी मोठी जागाही ठेवण्यात आली आहे.

(वाचा – ‘महाराष्ट्राची हास्यजत्रा’ फेम प्रसाद ओकचे घर आहे आशियाना, इंटिरिअरने डोळे दिपतील)

​लांबलचक लॉन​

घरात जाताना लांबलचक लॉन असून दरवाजांवर फुलांच्या वेलीही सोडण्यात आल्या आहेत. घराचा लुक अधिक क्लासी दिसण्यासाठी याचा होम डेकोरमध्ये उपयोग करता येऊ शकतो. याशिवाय व्हाईट फ्लोअर लुक आणि घरात जाताना कमानीचे इंटिरिअरही करण्यात आले आहे.

(वाचा – Living Room सजवण्याच्या सोप्या ७ पद्धती, लहान जागाही भासेल मोठी)

​घरातच व्यायामासाठी जिम​

शिल्पा शेट्टी फिटनेस फ्रिक असून घरातच व्यायामासाठी जिम तयार करण्यात आली आहे. यामध्ये आवश्यक असणारी सर्व उपकरणेही ठेवण्यात आली आहेत. शिल्पा आपले फिटनेसचे अनेक व्हिडिओ याच जिममध्ये चित्रीत करत असल्याचेही दिसून येते.

(वाचा -‘स्ट्रगलर साला’ ते स्वतःच्या घराचा प्रवास, कुशल बद्रिकेच्या घराची मराठमोळी सुबक मांडणी)

​उत्तम शिल्पकलेचे जोपासणारे अँटिक पीस​

अनेकदा मोठमोठ्या कलाकारांकडे अँटिक पीस दिसून येतात. शिल्पाच्या घरातदेखील ठिकठिकाणी असे अँटिक पीस दिसून येतात. शिल्पाला कलेची उत्तम जाण आहे. तुम्हीही तुमच्या घराच्या आकारानुसार वेगवेगळे अँटीक पीस आवड असल्यास घराची सजावट करताना वापरू शकता.

​भिंतीवरील पेंटिंग्ज​

घराच्या भिंतीला देण्यात आलेल्या रंगसंगतीनुसार तुम्ही तुमच्या आवडीप्रमाणे पेंटिंग्ज अथवा फोटो फ्रेम्स भिंतीवर लाऊ शकता. शिल्पाच्या घरात अनेक ठिकाणी अशा कुटुंबाच्या आणि अँटिक फोटोफ्रेम्सदेखील दिसून येतात. शिल्पाने बंगल्यातील अनेक रूम्समध्ये या सजावटीचा वापर केला आहे.

​सोफासेटची उत्तम रंगसंगती​

लिव्हिंग रूममध्ये भिंतींना कोणता रंग आहे त्यानुसार तुम्ही तुमच्या घरातील सोफासेटची रंगसंगती जपावी. शिल्पाचे घर मोठे असल्याने वेगवेगळ्या ठिकाणी वेगवेगळ्या रंगाचे सोफा सेट दिसून येतात. लाल रंगापासून ते ग्रे रंगापर्यंत वेगवेगळे सोफा सेट तुम्ही वापरू शकता.

​लिव्हिंग रूमची मांडणी​

लिव्हिंग रूम मोठी असल्यास सोफा सेट, वेगवेगळे अँटीक पीस आणि रंगसंगती जोडून तुम्ही सजावट करू शकता. शिल्पाच्या बंगल्यात अशी विविध ठिकाणी सुबक आणि सुंदर मांडणी तुम्हाला दिसेल. ज्यावरून तुम्ही प्रेरणा घेऊन आपले घर सजवू शकता.

शिल्पा शेट्टीच्या घराची सफर आम्ही तुम्हाला घडवली आहे. तिच्याइतके घर आपल्याला सजवणे शक्य नसले तरीही त्यावरून आयडिया घेऊन नक्कीच घराची सजावट करता येईल.