भारतातील सर्वात श्रीमंत घरातील मुले ‘या’ शाळा-कॉलेजमधून शिकली, ऐकून तुम्हालाही वाटेल आश्चर्य

आकाश अंबानी कितवी शिकला?

आकाश अंबानी हा मुकेश अंबानी यांचा मोठा मुलगा आहे. ज्यांची गणना देशातील अव्वल श्रीमंतांमध्ये केली जाते. त्याने धीरूभाई अंबानी इंटरनॅशनल स्कूलमधून शालेय शिक्षण पूर्ण केले आहे. इथून शिक्षण घेतल्यानंतर ते अमेरिकेत गेले आणि तिथल्या ब्राउन युनिव्हर्सिटीमधून अर्थशास्त्र विषयात ग्रॅज्युएशन केलं. धीरूभाई अंबानी इंटरनॅशनल स्कूलची मालकी अंबानी कुटुंबाकडे आहे.

या शाळेमध्ये इयत्ता सातवी पर्यंतची फी १ लाख ७० हजार रुपये आहे. आठवी ते दहावीपर्यंतची फी १ लाख ८५ हजार रुपये आहे. तर आठवी ते दहावीपर्यंतची फी सुमारे ४ लाख ४८ हजार रुपये आहे. दुसरीकडे, ब्राउन युनिव्हर्सिटीच्या येथे एक वर्षाची फी ५० ते ५५ लाखांच्या दरम्यान आहे.

ईशा अंबानी कितवी शिकली?

ईशा अंबानी ही आकाशची जुळी बहीण आहे. तिचे शालेय शिक्षणही धीरूभाई अंबानी इंटरनॅशनल स्कूलमधून झाले. यानंतर तिनी येल विद्यापीठातून मानसशास्त्रात पदवी घेतली. पदवीनंतर ईशाने स्टॅनफोर्ड विद्यापीठातून एमबीए पूर्ण केले. येल युनिव्हर्सिटीमध्ये मानसशास्त्राची एक वर्षाची फी सुमारे ५० लाख रुपये आहे. स्टॅनफोर्ड युनिव्हर्सिटीची वार्षिक एमबीए फी ६२ लाख रुपये आहे.

अनंत अंबानी कितवी शिकले?

अनंत अंबानी हे मुकेश अंबानी यांचे धाकटे पुत्र आहेत. त्याचे शालेय शिक्षणही धीरूभाई अंबानी इंटरनॅशनल स्कूलमधून झाले. यासोबतच त्यांने अमेरिकेच्या ब्राउन युनिव्हर्सिटीमधून ग्रॅज्युएशन केले आहे. ब्राऊन युनिव्हर्सिटीच्या एका वर्षाची फी साधारण ५० ते ५५ लाख आहे.

करण अदानी कितवी शिकला?

करण अदानी हा भारतातील सर्वात श्रीमंत व्यक्ती गौतम अदानी यांचा मोठा मुलगा आहे. त्याने अमेरिकेच्या पर्ड्यू विद्यापीठातून अर्थशास्त्रात पदवी प्राप्त केली आहे. येथील वार्षिक फीबद्दल बोलायचे झाले तर ते सुमारे ३७ लाख रुपये आहे.

शिक्षण अर्धवट सोडून १५ वर्षे करतेय अभिनय, दीपिका पदुकोणच्या करिअरविषयी जाणून घ्या

जीत अदानी कितवी शिकला?

जीत अदानी हा गौतम अदानीचा धाकटा मुलगा असून तो अदानी समूहाचा भाग आहे. त्यांचा जन्म ७ नोव्हेंबर १९९७ रोजी गुजरातमध्ये झाला. जीत अदानीने पेनसिल्व्हेनिया विद्यापीठातून स्कूल ऑफ इंजिनीअरिंग आणि अप्लाइड सायन्सेसमधून पदवी प्राप्त केली आहे. येथेही वार्षिक फी ५५ ते ६० लाख रुपये आहे.

आदित्य मित्तलच्या शिक्षणाविषयी

आदित्य मित्तल हा लक्ष्मी निवास मित्तल यांचा मुलगा आहे. जकार्ता इंटरनॅशनल स्कूलमधून हायस्कूल त्याने शिक्षण पूर्ण केले. यानंतर त्यांनी अमेरिकेतील पेनसिल्व्हेनिया विद्यापीठाच्या व्हार्टन स्कूलमधून अर्थशास्त्रात पदवी घेतली. जकार्ता इंटरनॅशनल स्कूलची फी करोडोंमध्ये आहे.

अनन्या बिर्लाचे शिक्षण

अनन्या बिर्ला ही आदित्य बिर्ला ग्रुपचे चेअरमन कुमार मंगलम बिर्ला यांची मुलगी आहे. तिने युनायटेड किंगडमच्या ऑक्सफर्ड विद्यापीठातून अर्थशास्त्राचे शिक्षण घेतले आहे. ऑक्सफर्ड युनिव्हर्सिटीमध्ये आकारल्या जाणार्‍या फीबद्दल बोलायचे तर ते अंदाजे ४२ ते ५० लाख रुपयांच्या दरम्यान आहे.

ऋषद प्रेमजीचे शिक्षण

ऋषद प्रेमजी हे विप्रोचे अध्यक्ष अझीम प्रेमजी यांचे ज्येष्ठ पुत्र आहेत. ते विप्रो लिमिटेडच्या बोर्डाचे मुख्य धोरण अधिकारी आणि सदस्य आहेत. त्याने हार्वर्ड बिझनेस स्कूलमधून एमबीए आणि अमेरिकेच्या वेस्लेयन विद्यापीठातून अर्थशास्त्रात बीए केले आहे. ऋषद प्रेमजी याने लंडन स्कूल ऑफ इकॉनॉमिक्समधूनही शिक्षण घेतले आहे. हार्वर्ड बिझनेस स्कूलमध्ये साधारण ६० लाख रुपये फी घेतली जाते. वेस्लेयन युनिव्हर्सिटीमध्ये वार्षिक ५१ लाख ते ५५ लाखांच्या दरम्यान फी घेतली जाते.

Bharat Jodo यात्रेतून विद्यार्थ्यांच्या समस्या जाणून घेतायत, Rahul Gandhi यांच्या शिक्षणाविषयी जाणून घ्या