Career Tips: अनुभव नसला तरी सहज मिळेल चांगल्या पगाराची नोकरी, जाणून घ्या ५ टिप्स

आकर्षक सीव्ही तयार करा

फर्स इम्प्रेशन इज द लास्ट इम्प्रेशन असे म्हटले जाते. हे सीव्हीच्या बाबतीत लागू होते. तुमचा सीव्ही म्हणजेच रेझ्युमे ही पहिली गोष्ट जी मुलाखत घेणारा सर्वप्रथम पाहतो. तुमचा सीव्ही जर सर्वोत्तम फॉरमॅटमध्ये लिहिला असेल आणि तुमच्या सर्व पात्रता आणि पात्रता त्यात नमूद केल्या असतील तर त्याचा नियोक्त्यावर नक्कीच चांगला परिणाम होईल. संबंधित नोकरीमध्ये जास्त मागणी असेल अशा गोष्टी तुम्ही ठळकपणे मांडल्या पाहिजेत.

नेटवर्किंग

तुम्ही तुमच्या कॉलेजच्या दिवसांपासून नेटवर्किंग वाढवायला सुरुवात करा. कॉलेजच्या वयात असल्यापासूनच तुम्ही अधिकाधिक प्रोफेशनल्स व्यक्तींना भेटा आणि तुमची ओळख वाढवा. यामध्ये तुम्ही तुमच्या वरिष्ठांची आणि प्राध्यापकांचीही मदत घेऊ शकता. याशिवाय, सोशल मीडिया साइट्सवर आपले कौशल्य शेअर करा. ट्विटर, लिंक्डइन सारख्या प्लॅटफॉर्मद्वारे तज्ञ आणि प्रोफेशन्सल्सशी संपर्क साधणे देखील खूप फायदेशीर ठरेल.

सॉफ्ट स्किल्स ओळखा

व्यावसायिक कौशल्यांव्यतिरिक्त आपल्याकडे असे अनेक गुण असतात जे नोकरीवेळी उपयोगी येतात. आपल्याकडे असलेली नेतृत्व कौशल्ये, संवाद कौशल्ये, व्यवस्थापन कौशल्ये ओळखता आली पाहिजेत. ज्या लोकांना अनुभव नाही, तेदेखील ही कौशल्ये दाखवून आणि वापरून चांगली नोकरी मिळवू शकतात.

UGC कडून नवे सिंगल विंडो पोर्टल, लाखो विद्यार्थ्यांचे होणार ‘ई-समाधान’

इंटर्नशिप

जेव्हा कॉलेजचे शिक्षण घेत असाल तेव्हापासूनच इंटर्नशिप करायला सुरुवात करा. यामुळे तुम्हाला शैक्षणिक ज्ञानाबरोबरच व्यावहारिक ज्ञान मिळण्यास मदत होईल. इंटर्नशिप करुन अनुभव मिळविलेल्या फ्रेशर्सची मागणी अनेक कंपन्यांना असते.

कौशल्य वाढवा

कॉलेजचे शिक्षण घेत असतानाच तुम्ही स्वत:कडील कौशल्य वाढविण्यास सुरुवात केली आहे. पदवीसह इतर अनेक ऑनलाइन कोर्स, प्रमाणपत्र कार्यक्रम किंवा प्रशिक्षण करू शकता. यामुळे तुम्हाला इतर लोकांकडून काही अतिरिक्त ज्ञान मिळेल. ही गोष्ट पुढे नोकरीच्या निवडीत खूप फायदेशीर ठरेल.
Schools Subsidy: एक निर्णय आणि राज्यातील ६ हजार शाळा, ६३ हजार शिक्षक-शिक्षकेत्तर कर्मचाऱ्यांना होणार फायदा