Google मध्ये नोकरी संकट! सुंदर पिचाई १० हजार कर्मचाऱ्यांना घरी बसवणार

पुढील वर्षाच्या सुरुवातीपासून पिंक स्लिप

“न्यू परफॉर्मन्स इम्प्रूव्हमेंट सिस्टिम पुढील वर्षाच्या सुरुवातीपासून हजारो कर्मचाऱ्यांना बाहेर काढण्यास मॅनेजमेंना मदत करू शकते. नवीन प्रणाली अंतर्गत व्यवस्थापकांना ६ टक्के कर्मचारी किंवा सुमारे १० हजार लोकांना त्यांच्या व्यवसायावरील प्रभावाच्या दृष्टीने कमी कामगिरी करणारे म्हणून वर्गीकृत करण्यास सांगितले आहे.

गुगलची कर्मचारी संख्या सध्या १.८७ लाख

अल्फाबेटमध्ये अंदाजे १ लाख ८७ हजार कर्मचारी आहेत. यूएस सिक्युरिटीज अँड एक्सचेंज कमिशन (SEC) फाइलिंगनुसार, गेल्यावर्षी, अल्फाबेट कर्मचार्‍याची सरासरी भरपाई अंदाजे $२,९५,८८४ होती. अल्फाबेटने तिसऱ्या तिमाहीत (Q3) $१३.९ अब्ज डॉलरचा निव्वळ नफा नोंदवला आहे. हा एका वर्षापूर्वीच्या तुलनेत २७ टक्क्यांनी कमी आहे. तर जागतिक मंदी आणि मंदीच्या भीतीने महसूल ६ टक्क्यांनी वाढून $६९.१ अब्ज झाला आहे.

ट्विटरमधून काढलेल्या कर्मचाऱ्यांसाठी भारतीय कंपनी आली धावून

पिचाई यांना कंपनीची कामगिरी सुधारायची

कंपनीचे सीईओ सुंदर पिचाई यांनी अल्फाबेटला २० टक्के अधिक कार्यक्षम बनवण्याचे उद्दिष्ट ठेवले आहे. काही कर्मचार्‍यांच्या नोकऱ्या कमी करायच्या असतील तर अल्फाबेट कंपनीत नवीन जॉब रोलसाठी अर्ज करण्यासाठी ६० दिवसांचा अवधी देत असल्याचे यापूर्वीचे अहवाल आले होते. पिचाई म्हणाले होते की, कंपनी अजूनही क्वांटम कॉम्प्युटिंग सारख्या दीर्घकालीन प्रोजेक्टमध्ये गुंतवणूक करत आहे. परंतु स्मार्ट असणे, काटकसरी असणे, व्यर्थ नसणे आणि अधिक कार्यक्षम असणे महत्वाचे आहे.

गुगलकडे अधिक कर्मचारी आणि पगार

जागतिक मंदीच्या भीतीच्या पार्श्वभूमीवर जगभरातील आयटी कंपन्यांमध्ये आता पुनर्रचनेची मागणी वाढत आहे. गुगलच्या मूळ कंपनी अल्फाबेटमधील गुंतवणूकदारांपैकी एक अब्जाधीश उद्योगपती सर क्रिस्टोफर होनच्या हेज फंडाने कंपनीला पत्र लिहून आरोप केला आहे. त्यानुसार गुगल आणि यूट्यूबच्या कर्मचार्‍यांना जास्त पगार दिला जात असून कर्मचाऱ्यांमध्ये कपात करा असे म्हटले आहे.

Amazon ने कर्मचाऱ्यांना कामावरुन काढलं..आता पत्र लिहून कळविलं असं काही..