Success Story: जन्मताच अंधत्व मिळालेल्या डोळ्यांनी पाहिले स्वप्न,९व्या प्रयत्नात नागेद्रन बनला IAS अधिकारी

नागेंद्रन लहानपणापासूनच अभ्यासात हुशार

डी बाला नागेंद्रन यांनी चेन्नईतील लिटल फ्लॉवर कॉन्व्हेंट आणि रामा कृष्णा मिशन स्कूलमधून त्यांचे प्रारंभिक शालेय शिक्षण पूर्ण केले. त्यानंतर त्यांनी चेन्नईच्या लॉयला कॉलेजमधून बीकॉमची पदवी घेतली. बालाचे वडील भारतीय लष्करातून निवृत्त झाले असून सध्या ते चेन्नईमध्ये टॅक्सी चालक म्हणून काम करतात. त्यांची आई गृहिणी आहे. बाला लहानपणापासूनच अभ्यासात हुशार असून त्यांची गणना शाळेतील उत्तम मुलांमध्ये होते. बालाची ही प्रतिभा ओळखून शाळेतील शिक्षकांनी त्याला आयएएस होण्यासाठी प्रोत्साहन दिले. त्यानंतर बाला आयएएस अधिकारी होण्याचे स्वप्न पाहू लागले.

सततच्या अपयशानंतरही हार मानली नाही

बीकॉमची पदवी घेतल्यानंतर, बाला यांनी २०११ मध्ये नागरी सेवा परीक्षेची तयारी सुरू केली. मात्र, येथे ब्रेल लिपीतील सर्व पुस्तके उपलब्ध नसल्यामुळे त्यांची मोठी अडचण झाली. पण त्यांनी हार मानली नाही. यानंतर बालाने ४ वेळा यूपीएससीची परीक्षा दिली आणि प्रत्येक वेळी त्यांना अपयश येत होते. तया अडथळ्यांना न जुमानता, बाला नागेंद्रन यांनी IAS अधिकारी होण्याच्या अतुलनीय आत्मविश्वासाने आपली तयारी सुरू ठेवली. पाचव्या प्रयत्नात त्यांना यश मिळाले पण नोकरीवर रुजू झाले नाहीत. ८ परीक्षांमध्ये संघर्ष करुन त्यांनी नवव्या प्रयत्नात यूपीएससी परीक्षा उत्तीर्ण होऊन निर्धारित लक्ष्य पूर्ण केले. सिव्हिल सर्व्हिसेस २०१९ परीक्षेत ६५९ वा क्रमांक मिळविला. ज्याद्वारे त्यांना त्यांच्या आवडीचे आयएएस पद मिळाले.

JEE Mains:’आयआयटी-जेईई मेन्स’ पुढे ढकलणार? मुंबई हायकोर्टचा महत्वपूर्ण निर्णय

बाला यांचा आदर्श IAS आर्मस्ट्राँग

अनेक अपयशानंतर यश मिळवणाऱ्या बाला नागेंद्रनची ही कहाणी तरुणांसाठी प्रेरणादायी आहे. बाला तामिळनाडूचे माजी मुख्यमंत्री के कामराज आणि आयएएस अधिकारी आर्मस्ट्राँग पामे यांना त्यांच्या यशाची प्रेरणा मानतात. IAS आर्मस्ट्राँग मणिपूर ते नागालँडला जोडणारा १०० किमीचा रस्ता बांधण्यासाठी लोकप्रिय आहे.शासनाची कोणतीही आर्थिक व कामगार मदत न घेता त्यांनी हा रस्ता स्वत: बांधला होता.

बाला यांना आयएएस होऊन बाल शोषण आणि गुन्हेगारी रोखण्यासाठी काम करायचे आहे. देशातील गरिबी, बेरोजगारी आणि इतर सर्व सामाजिक आजारांचे उच्चाटन करण्यासाठी गुणवत्तापूर्ण शिक्षण हाच एकमेव उपाय आहे, असे बाला यांचे मत आहे.

Satyajeet Tambe Education: कॉंग्रेसला ‘दे धक्का’ करणारे सत्यजित तांबे शिक्षणात ‘लय भारी’, जाणून घ्या