पोलीस आयुक्तालयातील एक हजार पदांसाठी ७४ हजार उमेदवार इच्छुक

मिरा-भाईंदर वसई-विरार पोलीस आयुक्तालयाच्या स्थापनेपासूनच येथे शिपायांपासून ते वरिष्ठ अधिकाऱ्यांपर्यंतच्या कर्मचाऱ्यांची कमतरता होती. त्यामुळे मधल्या काळात काही महत्त्वाची पदे विविध जिल्ह्यांतून अधिकाऱ्यांच्या बदल्या करत भरण्यात आली आहेत.

यासह महाराष्ट्र सुरक्षा बलाचीदेखील मदत घेतली जात आहे. मात्र, तरीही मनुष्यबळाची गरज भासत असल्याने राज्य सरकारने भरती प्रक्रियेला हिरवा कंदील दाखवल्यानंतर शिपायांची ९८६ पदे, तर शिपाई वाहन चालकांची १० पदे अशा एकूण ९९६ पदांसाठी नोव्हेंबरमध्ये जाहिरात प्रसिद्ध करण्यात आली होती.

IOCL Recruitment: इंडियन ऑइलमध्ये नोकरी करण्याची संधी, दहावी ते पदवीधरांनी ‘येथे’ पाठवा अर्ज

यात ६० हजार ९८९ पुरुष आणि १२ हजार २३२ महिलांचा समावेश आहे. या व्यतिरिक्त वाहनचालक पदासाठी एक हजार २३७ अर्ज आले आहेत. यात एक हजार १९६ पुरुष, तर ४१ महिलांच्या अर्जाचा समावेश आहे. असे एकूण ९९६ जागांसाठी ७४ हजार ४५८ अर्ज प्राप्त झाले आहेत.

मैदानी चाचणीसाठी तयारी पूर्ण

पोलीस आयुक्तालयाकडून पुरुष उमेदवारांसाठी भाईंदर पश्चिमेचे नेताजी सुभाषचंद्र बोस मौदान, तर महिला उमेदवारांसाठी भाईंदर पूर्वेच्या जेसल पार्क चौपाटीलगतचे मैदान निश्चित करण्यात आले आहे. या मैदानांची देखभाल-दुरुस्ती, पाण्याची सुविधा व इतर आवश्यक तयारी प्रशासनाकडून पूर्ण करण्यात आली आहे. कमी अर्ज आल्यास पुरुष व महिला उमेदवारांची नेताजी बोस मैदानावर एकत्रच चाचणी घेण्याचा प्रशासनाचा विचार होता. मात्र मोठ्या संख्येत अर्ज आल्यामुळे स्वतंत्र मैदानावर चाचणी घेतली जाण्याची शक्यता आहे.

राज्यात ग्रामसेवकची पदांची बंपर भरती, जाणून घ्या संपूर्ण वेळापत्रक