यतीन कार्येकर पुन्हा दिसणार ऐतिहासिक भूमिकेत, ‘शिवप्रताप गरुडझेप’ मध्ये साकारली भूमिका

मुंबई : मराठीत सध्या ऐतिहासिक सिनेमांची मोठी लाट आली आहे. या सर्व सिनेमांना प्रेक्षकांकडूनही भरभरून प्रतिसादही मिळत आहे. मराठ्यांचा वैभवशाली इतिहास या सिनेमांच्या माध्यमातून पुढच्या पिढीपर्यंत पोहोचवला जात आहे. यात खासदार आणि अभिनेते डॉ. अमोल कोल्हे यांचाही समावेश असून ‘शिवप्रताप-गरुडझेप’ हा नवा ऐतिहासिक सिनेमा घेऊन येत आहेत.

ऋषभ पंतनंतर आता पाकिस्तानी क्रिकेटपटूच्या प्रेमात उर्वशी? शेअर केलं रोमँटिर रील

‘शिवप्रताप-गरुडझेप’ या सिनेमा ‘आग्र्याहून सुटका’ हा छत्रपती शिवाजी महाराजांच्या कारकीर्दीतला अत्यंत महत्त्वाचा आणि थरारक प्रसंगावर आधारीत आहे. छत्रपती शिवाजी महाराजांच्या आयुष्यातल्या अनेक नाट्यमय घडामोडींपैकी हा सर्वात महत्त्वपूर्ण कालखंड होता. महाराष्ट्रापासून दूर उत्तरेत आणि तेही औरंगजेबाच्या अंमलाखालील प्रदेशात जाऊन सहीसलामत परत येणं ही अशक्यप्राय वाटणारी कामगिरी महाराजांनी फत्ते केली. ती देखील रक्ताचा एकही थेंब न घालवता. अशा या ऐतिहासिक घटनेवर आधारीत असलेल्या सिनेमाची निर्मिती डॉ. अमोल रामसिंग कोल्हे यांच्या ‘जगदंब क्रिएशन’नं केली आहे. तर सिनेमाच्या दिग्दर्शनाची धुरा कार्तिक राजाराम केंढे यांनी सांभाळली आहे.

‘शिवप्रताप-गरुडझेप’ सिनेमात कोण कलाकार कोणत्या भूमिका साकारणार हे समोर आलं आहे. या सिनेमातील शिवाजी महाराजां इतकंच महत्त्वाचं पात्र आहे औरंगजेब याचं. मुघल बादशाहांमध्ये औरंगजेब असा एकमेव शासक होऊन गेलाय ज्यानं आपल्या चातुर्यपूर्ण रणनीतीनी मोगल साम्राज्याचा विस्तार केला होता. इतिहासातला सर्वात क्रूर कपटी, जुलमी, धर्मांध बादशाहा अशी ओळख असलेल्या औरंगजेबाची भूमिका ज्येष्ठ अभिनेते यतीन कार्येकर ही भूमिका साकारणार आहेत.

आपल्या या भूमिकेबद्दल बोलताना यतीन कार्येकर यांनी सांगितलं की,’ मराठी चित्रपटसृष्टीत उत्तम खलनायकी भूमिका साकारणारे अनेक कलाकार होऊन गेले. या खलनायकांवरही रसिकांनी प्रेम केलंय. याआधीही मालिकेत मी औरंगजेबाची भूमिका साकारली आहे. पण आता मोठ्या पडदयावर ती साकारण्याचा वेगळाच आनंद आहे. छत्रपती शिवाजी महाराजांच्या व्यक्तिरेखेसमोर तितक्याच तोलामोलाचा औरंगजेब साकारणं महत्त्वाचं होतं. औरंगजेबाच्या स्वभावातला बेरकीपणा, कावेबाजपणा माझ्या भूमिकेच्या माध्यमातून प्रभावीपणं दाखवण्याचा प्रयत्न केला आहे, त्याला प्रेक्षकांची पसंती मिळेल अशी आशा आहे.दरम्यान, हा सिनेमा विजयादशमीच्या शुभमुहूर्तावर प्रदर्शित होणार असल्याचं अमोल कोल्हे यांनी काही दिवसांपूर्वी जाहीर केलं आहे.

Video : अरुंधतीच्या घरी बाप्पाचं आगमन, ‘आई’नंच घडवली मूर्ती!

अमोल कोल्हेंना आजवर सर्वांनीच मालिका, नाटक आणि महानाट्यांमध्ये छत्रपती शिवाजी महाराजांची भूमिका साकारताना पाहिलं आहे. ‘शिवप्रताप – गरुडझेप’ द्वारे त्यांनी प्रथमच मोठ्या पडद्यावर शिवराय साकारले आहेत. जगदंब प्रोडक्शनची ही पहिलीच चित्रपट निर्मिती आहे. यानंतर ‘शिवप्रताप’ या चित्रपट मालिकेतील आणखी दोन चित्रपट रसिकांच्या भेटीला येणार आहेत.