Video :आजही पूजाला विसरू शकले नाहीत डाॅ.अमोल कोल्हे,दोघांच्या नात्याबद्दल भावुक झाला अभिनेता

मुंबई :डाॅ. अमोल कोल्हे यांचा शिवप्रताप गरुडझेप हा सिनेमा येत्या दसऱ्याला रिलीज होत आहे. अभिनेत्यांच्या आतापर्यंतच्या छत्रपती शिवाजी महाराजांच्या भूमिका आपण पाहिल्यात. मालिकांमध्ये तर छत्रपती शिवाजी महाराज आणि छत्रपती संभाजी महाराज साकारलेले आपण पाहिलेत. तसंच महाराजांच्या जीवनावरचं नाट्यही त्यांनी उभं केलं. यात डाॅ. कोल्हेंची घोडस्वारी नेहमीच लक्ष वेधून घेते. आपल्या युट्यूब चॅनेलवर त्यांनी याबद्दलच सांगितलं आहे.

या अभिनेत्रींनी सलमान खानसोबत काम करायला दिला स्पष्ट नकार

डाॅ. अमोल कोल्हे यांना त्यांच्या सगळ्या शूटिंगच्या प्रवासात साथ दिली ती पूजानं. पूजा ही त्यांची विश्वासू घोडी होती. तिनं कधीच त्यांना खाली पाडलं नाही. अगदी सुरुवातीलाही त्यांना फारसा सराव नव्हता, तेव्हा पूजा भरधाव धावत होती पण तिनं अभिनेत्यांना खाली पडू दिलं नाही, ही आठवण त्यांनी या व्हिडिओत शेअर केली आहे.

डाॅ. अमोल कोल्हे सांगतात, ‘मी कधीही शूटिंग सुरू करण्याआधी दिला पार्ले जी बिस्किटं खाऊ घालायचो. चल बच्चा म्हटलं की ती तयार व्हायची.’ महानाट्याच्या प्रयोगातही अभिनेते तिच्यावरच स्वार होत असत. एकदा एका प्रयोगात अचानक समोर मूल आलं. पण पूजानं तेही सांभाळून घेतल्याचं, ते सांगतात. बैलगाडाच्या वेळीही डाॅ. अमोल कोल्हेंनी जी घोडेस्वारी केली होती, ती पूजावर केली होती.

प्राजक्ता माळीनं सांगितलं तिच्या आनंदी असण्याचं कारण, शेअर केलेल्या Photo वर चाहते खूश

अभिनेते आणि पूजाचा संवादही सुरू असायचा, असं ते म्हणाले. शिवप्रताप गरुडझेप सिनेमाच्या शूटिंग वेळी सुरुवातीला पूजा होतीच. पण नंतर ती आजारी पडली आणि काही दिवसांनी तिनं या जगाचा निरोप घेतला. डाॅ. कोल्हे हे सांगताना गहिवरले. पूजाचं जाणं म्हणजे घरातल्याच कुणाचं जाणं होतं, असं ते म्हणाले. आता मी बिस्किटं खाऊ घालून चल बच्चा कोणाला म्हणणार? असं म्हणत अभिनेते पूजाच्या आठवणीत हळवे झाले.