वडिलांचं निधन आणि उद्ध्वस्त झालं कुटुंब; १९८४ च्या दंगलीत अभिनेत्रीने गमावलं सर्वकाही!

Neelu Kohli Life Story: अभिनेत्री नीलू कोहली यांनी टीव्ही आणि बॉलिवूडमधून विशेष नाव कमावले आहे. त्या आता दोन दशकांहून अधिक काळ अभिनय क्षेत्रात कार्यरत आहेत. त्यांनी ‘मेरे अंगने में’ या शोमधून टीव्ही करिअरची सुरुवात केली. याशिवाय त्यांनी ‘शास्त्री सिस्टर्स’, ‘मधुबाला – एक इश्क एक जुनून’, ‘ना बोले तुम ना मैं कुछ कहा’, ‘गीत – हुई सबसे पराई’, ‘भाभी’, ‘नामकरण’, ‘छोटी सरदारनी’ इ. यांसारखे टीव्ही शो केले आहेत. त्या शेवटचे डेली सोप ‘ये झुखी झुखी सी नजर’ मध्ये दिसल्या होत्या. चांगले रेटिंग नसल्यामुळे हा शो लवकर बंद झाला होता. सध्या त्या त्यांना ‘जोगी’ (Neelu Kohli in Jogi) सिनेमामुळे चर्चेत आहेत. अभिनेत्रीने अलीकडेच त्यांच्या आयुष्यातील त्या कठीण काळाविषयी सांगितले आहे, ज्यावेळी त्यांच्या कुटुंबाला मोठे कष्ट सहन करावे लागले होते.

​’जोगी’ सिनेमा वैयक्तिक आयुष्याशी निगडीत

अभिनेत्री नीलू कोहली (Neelu Kohli News) यांनी विविध मालिकांच्या माध्यमातून मोठा चाहतावर्ग कमावला आहे. सध्या त्या ‘जोगी’ सिनेमामुळे चर्चेत आल्या आहेत. ओटीटीवर प्रदर्शित झालेल्या ‘जोगी’ या सिनेमात दिलजीत दोसांझ (Diljit Dosanjh in and as Jogi) मुख्य भूमिकेत असून नीलू यांचेही यामध्ये महत्त्वाचे काम आहे. हा सिनेमा १९८४ च्या दंगलीवर आधारीत हा सिनेमा नीलू यांच्या वैयक्तिक आयुष्याशीही खूप जवळचा आहे. कारण या दंगलीमध्ये अभिनेत्रीनेचंही कुटुंब उद्ध्वस्त झालं होतं. अलीकडेच दिलेल्या एका मुलाखतील त्यांनी त्या कठीण काळाविषयी भाष्य केलं होतं. माध्यमांशी बोलताना त्यांनी या कटू आठवणी शेअर केल्या.

​१९८४ दंगलीच्या कटू आठवणी

नीलू सांगतात की त्यांना या सिनेमाचे शूटिंग करताना त्यांचे उद्ध्वस्त झालेले कुटुंब आणि भुतकाळाच्या त्या काळ्या पानाची आठवण झाली. त्या म्हणतात की, ‘१९८४ वर्षातील खूप ज्वलंत आठवणी माझ्याकडे आहेत, कारण माझे कुटुंब यामुळे प्रभावित झाले होते. माझ्या कुटुंबावर या साऱ्याचा खूप वाईट परिणाम झाला होता. मी त्यावेळी चंदीगडमध्ये होते. दंगल पीडित माझे आई-वडील रांचीमध्ये होते.’ नीलू यांनी वडिलांच्या आठवणीत भावुक होत त्यावेळी काय घडलं होतं हे सांगितलं.

​​दंगलीमुळे झालं वडिलांचं निधन

वडिलांच्या निधनाविषयी बोलताना नीलू सांगतात की, ‘माझ्या वडिलांनी त्या दंगलीमध्ये सर्वकाही गमावलं. निवृत्तीनंतर त्यांनी काही सेव्हिंग केले होते. याच पैशातून त्यांनी त्यांच्या भावासोबत एक व्यवसाय सुरू केला होता. पण नशीब बघा ना, त्या दंगलीमध्ये सारंकाही उद्ध्वस्त झालं आणि ते त्या धक्क्यातून बाहेर पडू शकले नाहीत. त्यानंतर ते कधीच ठीक झाले नाहीत आणि त्यांचं निधन झालं. दंगलीनंतर ते खूप दु:खी होते आणि त्यांनी मनामध्ये खूप काही साठवलं होतं.’

​भाऊ आणि आईसोबत काय घडलं?

यावेळी बोलताना नीलू चित्रपटातील एका दृश्याविषयी सांगितले आहे, जे दृश्य त्यांच्या खऱ्या जीवनाशी काहीसे साधर्म्य दाखवणारे आहे. नीलू सांगतात की, ‘योगायोगाने माझ्या आणि ‘जोगी’मध्ये एक सीन आहे, ट्रेलरमध्ये हा अतिशय इंटेन्स सीन आहे. ज्यात तो आपले केस कापतो आणि एका सरदारासाठी केस कापणे ही सर्वात मोठी गोष्ट आहे. माझ्या भावाने आणि माझ्या आईनेही असेच काहीसे केले होते आणि मी ते दृश्य करताना मी त्यांची प्रत्येक आठवण ताजी करू शकले.’

​भूमिकेसाठी मेहनत घ्यावी लागली नाही

नीलू सांगतात की या भूमिकेसाठी त्यांनी विशेष तयारी करावी लागली नाही, कारण या सर्व परिस्थितीतून त्या आधीच गेल्या आहेत. हा सिनेमा त्यांच्यासाठी एक थ्रोबॅक होता. या सिनेमातूनच नीलू यांनी ओटीटी डेब्यू केला आहे. याविषयी बोलताना नीलू म्हणाल्या की, ‘मी ओटीटीकडे आमच्यासारख्या कलाकारांसाठी एक मोठे वरदान म्हणून पाहते. आमचे आयुष्य बदलले आहे, आम्हाला खूप काम दिले जाते आहे. टेलिव्हिजनला आता नवीन दृष्टीकोनातून काम करण्याची आवश्यकता निर्माण झाली आहे.’