पायाचे सौंदर्य वाढविण्यासाठी वापरा स्वयंपाघरातील हा पदार्थ, पाय होतील मऊ आणि मुलायम

कसा करावा तुपाने पायाचा मसाज

तुमच्या पायांना भेगा पडल्या असतील अथवा तुमचे पाय खराब झाले असतील तर तुम्ही रात्री झोपण्यापूर्वी तेल एका भांड्यात कोमट गरम करा आणि या तेलाने पायांना आणि पायाच्या तळव्यांना मालिश करा. यामुळे तुम्हाला नक्कीच फायदा मिळते. तूप लावल्याने त्वचेला पोषण मिळते. तुपाने त्वचेवर मसाज केल्यास, तुम्हाला नक्कीच मऊ त्वचा प्राप्त होते. इतकंच नाही तर यामुळे झोपही उत्तम लागते.

फाटलेल्या पायांच्या समस्यांपासून मिळते सुटका

पायांना तूप लावण्याचे अनेक फायदे आहेत. त्यापैकी सर्वात मोठा फायदा म्हणजे भेगा पडलेल्या पायांना अर्थात फाटलेल्या पायांची समस्या सोडविण्यास याची मदत मिळते. तूप लावल्याने पायाला पडलेल्या भेगांमध्ये होणारी जळजळ थांबविण्याचे आणि ते घाव भरण्याचे काम तूप करते.

(वाचा – आंघोळीच्या पाण्यात मिसळा हा घरगुती पदार्थ, मिळेल तुकतुकीत त्वचा आणि होईल मॉईस्चराईज)

पायाची त्वचा करते हायड्रेट

पायाला तूप लावल्याने त्वचेच्या आतमध्ये तूप सामावते आणि त्वचा अधिक हायड्रेट राहण्यास मदत मिळते. तसंच तूप हे त्वचेचे हिलिंग आणि मॉस्चराईज करण्यासाठी उपयुक्त ठरते. भेगा पडलेल्या पायांना यामुळे आराम मिळतो आणि त्वचा पुन्हा एकदा स्मूथ दिसू लागते.

कोरडी त्वचा स्मूथ होते

तुपामध्ये जास्त प्रमाणात फॅटी असिड आणि अँटीऑक्सिडंट्स अशतात, जे त्वचेवरील फ्री रॅडिकल्सचा परिणाम कमी करण्यासाठी आणि त्वचेला पोषण देण्यासाठी उपयोगी ठरतात. तसंच त्वचा अधिक चांगल्या पद्धतीने मॉईस्चराईज करण्यासाठीही याचा उपयोग होतो आणि त्वचा चमकदार होते. तूप हे पोषणतत्वांसह तुमची सुस्त त्वचा निरोगी होण्यास मदत करते. पायावर तुम्ही नियमित तूप लावल्यास थंडीच्या दिवसातही पायाला भेगा पडणार नाहीत आणि त्वचा स्मूथ आणि मऊ राहण्यास मदत मिळेल.

पायाचा स्किन टोन सुधारण्यास होते मदत

बऱ्याचदा चेहऱ्याकडे लक्ष देता देता पायाकडे लक्ष दिले जात नाही आणि पाय, पायाचे तळवे काळे पडतात. पण तुपाच्या वापराने तुम्ही तुमच्या पायाचा स्किन टोन सुधारू शकता. पायाला अधिक मऊ आणि मुलायम ठेवायचे असेल आणि चेहऱ्याच्या सौंदर्याप्रमाणे पायाचेही सौंदर्य जपायचे असेल तर नक्की तुमच्या स्किन केअर रूटीनमध्ये तुपाचा समावेश करून घ्या.

चेहऱ्याच्या सौंदर्याप्रमाणेच पायाचे सौंदर्यही महत्त्वाचे आहे. शरीराचा प्रत्येक भाग हा महत्त्वाचा आहे. कोणत्याही पार्लरमध्ये जाऊन अधिक खर्च करण्यापेक्षा तुम्ही तुमच्या स्किन केअर रूटीनमध्ये पायासाठी घरातील तूप या मस्त आणि उपयोगी पदार्थाचा वापर नक्की करून घ्या.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com