कोलेस्ट्रॉल होईल झटपट कमी, तुपाबरोबर खा चपाती

कोलेस्ट्रॉलची समस्या करते कमी

बदलत्या लाइफस्टाइलमुळे अनेक व्यक्तींना कोलेस्ट्रॉलच्या समस्येला सामोरे जावे लागते. त्यावर अनेक उपायही केले जातात. पण कोलेस्ट्रॉलची समस्या कमी करण्यासाठी साधासुधा घरगुती उपाय शोधत असाल तर तुम्ही रोज जी चपाती खाता त्याला तूप लावा आणि मग ती चपाती खा. चपातीला तूप लावल्यामुळे रक्तातील आणि तुमच्या शरीराच्या आतड्यांमधील कोलेस्ट्रॉलचे प्रमाण कमी होण्यास मदत मिळते. यातील बायलरी लिपिडचा स्राव वाढविण्याची क्षमता वाईट कोलेस्ट्रॉल घटविण्यासाठी उपयोगी ठरते. तसंच चपाती तूप खाल्ल्याने तुमच्या शरीरातील चांगले कोलेस्ट्रॉल वाढते आणि कोलेस्ट्रॉल नियंत्रणात राहण्यासाठी मदत मिळते.

वजन कमी होण्यास फायदेशीर

तूपपोळी खाल्ल्याने वजन कसे काय कमी होते? हे वाचूनच तुम्हाला आश्चर्य वाटले असेल. तुपाने वजन वाढते असं नेहमीच ऐकिवात येते पण असे अजिबाच नाही. तुपामध्ये असणाऱ्या गुणधर्मांमुळे वजन कमी होण्यास मदत होते. तसंच तूप खाल्ल्याने तुमच्या हृदयावर कोणताही दबाव येत नाही. आरोग्याची काळजी घेण्यासाठी याचा उपयोगो होतो. घरगुती शुद्ध तुपामध्ये सीएलचं प्रमाण असतं आणि त्यामुळे मेटाबॉलिजम राखून ठेवण्यास याची मदत मिळते. या कारणाने योग्य प्रमाणात रोज तूप खाल्ल्यास वजन वाढत नाही तर कमी होण्यास मदत मिळते.

शरीरातील इन्शुलिनचे प्रमाण करते कमी

चपाती आणि तुपाचे समीकरण हे आरोग्यासाठी उत्तम ठरते. यातील सीएलचे प्रमाण हे शरीरातील इन्शुलिनचे प्रमाण कमी करण्यासाठी मदत करते. तसंच तूप आण चपातीच्या समीकरणामुळे शरीरातील ग्लायसेमिक इंडेक्स कमी होतं आणि त्यामुळे रक्तात साखर त्वरीत मिसळते आणि त्यामुळे पोट अधिक काळ भरलेले राहून लवकर भूक लागत नाही. त्यामुळे इन्शुलिन व्यवस्थित राखले जाते. वजन वाढत नाही आणि या दोन्ही गोष्टी डायबिटीस रूग्णांसाठी जास्त आवश्यक आहेत. नियमित आहारात तुम्ही तूप आणि चपातीचे सेवन केल्यास आरोग्याला फायदा मिळतो.

पचण्यासाठी अत्यंत हलके

पचनक्रिया नीट नसेल तर त्याचा वजनावर परिणाम होतो आणि त्यामुळे कोलेस्ट्रॉलही वाढते. चपाती आणि तूप एकत्र खाल्ल्यामुळे रक्तातील सेलमध्ये जमा झालेले कॅल्शियम कमी होते आणि रक्तप्रवाह सुरळीत होण्यास मदत मिळते. तसंच यामुळे प्रतिकारशक्ती वाढण्यास फायदा मिळतो. त्यामुळे रोज चपातीला किमान एक चमचा तूप लावा आणि त्याचे सेवन करा. जर पराठे खात असाल तर बटरऐवजी तुपाचा वापर करावा. याचा तुमच्या आरोग्यासाठी फायदा होतो आणि हे पचण्यास अत्यंत हलके असते. त्यामुळे पोटात चरबी जमा होत नाही.

हृदयरोग्यांसाठी गुणकारी

सध्याच्या धावपळीच्या आयुष्यात अगदी तरूण व्यक्तींनाही हृदयरोगाने ग्रासले आहे. या हृदयरोगाच्या समस्येतून बाहेर पडण्यासाठी नैसर्गिक उपाय शोधत असाल तर तर रोज चपातीवर तूप लावून खाण्याचा सल्ला देण्यात येतो. हृदयातील ब्लॉकेज ल्युब्रिकंटप्रमाणे रोखण्याचे काम तूप करते. म्हणून नियमित तुपाचा वापर करावा.

तूप हे आरोग्यासाठी उत्तम आहे. मात्र कोणत्याही गोष्टीचा अतिरेक योग्य नाही. प्रमाणाच्या बाहेर तुपाचा वापर करू नका. रोज केवळ १ ते २ चमचे तुपाचा तुमच्या आहारात समावेश करून घ्या. तसंच चपातीही अति प्रमाणात खाऊ नका. योग्य प्रमाण राखल्यास, आरोग्यासाठी याचा फायदाच मिळतो हे लक्षात ठेवा.

(फोटो क्रेडिटः Freepik.com, Canva)

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratime.com