युक्रेन सोडा, अमेरिकेचा नागरिकांना सल्ला; रशिया आक्रमणाच्या तयारीत?


रशिया युक्रेनवर कधीही हल्ला करू शकतो अशी भीती जगभरामध्ये आहे. युद्ध थांबवण्यासाठी चार देशांदरम्यान सुरू असलेली चर्चाही निष्फळ ठरली आहे. अमेरिकेचे परराष्ट्र मंत्र्यांच्या म्हणण्यानुसार रशिया बीजिंग ऑलिम्पिक संपण्याची वाट बघणार नाही. युक्रेनच्या सीमेवर रशियन सैन्याचा मोठा जमाव वाढत आहे आणि युद्ध टाळण्याच्या चर्चेत फारशी प्रगती झालेली नाही. या सर्व परिस्थितीमध्ये राष्ट्राध्यक्ष जो बायडेन यांनी अमेरिकेच्या नागरिकांना युक्रेन सोडण्यास सांगितले आहे.

जो बायडेन यांनी एनबीसी न्यूजला सांगितले की, “अमेरिकेच्या नागरिकांनी तेथून ताबडतोब बाहेर पडावे. आम्ही जगातील सर्वात मोठ्या सैन्यासोबत गुंतत आहोत. ही पूर्णपणे वेगळ्या प्रकारची परिस्थिती आहे जी लवकरच नियंत्रणाबाहेर जाऊ शकते.”

दुसरीकडे, मेलबर्नमध्ये, परराष्ट्र मंत्री अँटोनी ब्लिंकन आशिया पॅसिफिकच्या मित्र राष्ट्रांच्या प्रतिनिधींना भेटत आहेत. संपूर्ण घडामोडीवरून असे दिसून येत आहे की रशियाचे राष्ट्राध्यक्ष युरोपमध्ये युद्ध करण्यापासून काही दिवसांऐवजी काही तास दूर आहेत. “आम्ही अशा टप्प्यात आहोत जिथे हल्ला कधीही सुरू होऊ शकतो आणि बीजिंग ऑलिम्पिक दरम्यान देखील हे होऊ शकते,” असे अँटनी ब्लिंकन म्हणाले. रशिया बीजिंग आम्ही ऑलिम्पिक संपण्याची वाट पाहत आहे या गोष्टीला ब्लिंकन यांनी स्पष्ट नकार दिला.

सोव्हिएत सैन्य बर्लिनमध्ये दाखल झाल्यापासून हे सर्वात मोठे शक्ती प्रदर्शन आहे. डझनभर लढाऊ ब्रिगेडसह सुमारे १३०,००० सैनिक सीमेवर जमले आहेत, असा अंदाज अमेरिकेने वर्तवला आहे. गुरुवारी, रशियन टँकनी बेलारूसमध्ये थेट सराव केले. अमेरिकेचे म्हणणे आहे की त्यात ३०,०० सैनिक सामील होते जे रशियाच्या पूर्व भागातून आले होते. रशियाने आपल्या सहा युद्धनौका काळ्या समुद्रात आणि शेजारच्या अझोव्ह समुद्रात पाठवल्या आहेत.

युक्रेनचे म्हणणे आहे की एवढ्या मोठ्या प्रमाणात युद्धनौकांची तैनाती अभूतपूर्व आहे आणि युक्रेनला दोन्ही समुद्रांपासून वेगळे केले आहे. युक्रेननेही आपले डावपेच सुरू केले आहेत. दरम्यान, रशियाने नाटोकडून लेखी हमी मागितली आहे की ते पूर्व युरोपमधील आपली उपस्थिती संपुष्टात आणतील आणि युक्रेनला कधीही आपल्या संघटनेत समाविष्ट करणार नाही. अमेरिका आणि त्यांच्या युरोपीय मित्र राष्ट्रांनी रशियाची मागणी आधीच फेटाळून लावली आहे. जर्मनी, रशिया, युक्रेन आणि फ्रान्सच्या प्रतिनिधींमधील चर्चा गुरुवारी खंडित झाली आणि त्याचा कोणताही परिणाम झाला नाही.

The post युक्रेन सोडा, अमेरिकेचा नागरिकांना सल्ला; रशिया आक्रमणाच्या तयारीत? appeared first on Loksatta.

Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …