अमेरिकन कॅन्सर सोसायटीच्या मते, टॉन्सिल कॅन्सरचे प्रमाण 60 पैकी एका पुरुषात आणि 140 पैकी एका महिलेमध्ये दिसते. अलीकडे टॉन्सिल कॅन्सरचे प्रमाण वाढले आहे. पहिल्या टप्प्यात कॅन्सरचा उपचार सुरू केल्यास मृत्यूचा धोका कमी होतो. अशा परिस्थितीत त्याची लक्षणे आणि प्रतिबंधात्मक उपाय जाणून घेणे तुमच्यासाठी फायदेशीर ठरू शकते.
टॉन्सिल कॅन्सरची सुरुवातीची लक्षणे
कोणत्याही आजाराची लक्षणे आपल्याला माहित असतोल तर वेळीच आपण ती लक्षणे ओळखून डॉक्टरांशी संपर्क साधू शकतो, निदान करू शकतो आणि त्यावर उपचार करू शकतो. टॉन्सिल कॅन्सर बाबत सुद्धा ही गोष्ट लागू पडते. चला तर जाणून घेऊया की काय आहेत टॉन्सिल कॅन्सरची सुरुवातीची लक्षणे!
- अन्न गिळताना त्रास होणे
- घशात खवखवणे
- घशाला सूज येणे आणि वेदना होणे
- कानात वेदना होणे
- जबडा दुखणे थुंकीसोबत रक्त बाहेर पडणे
- आवाजात बदल होणे
- गळ्यात गाठ निर्माण होणे
- दुर्गंधीयुक्त श्वास
वरील सर्व टॉन्सिल कॅन्सरची प्राथमिक लक्षणे आहेत.
(वाचा :- भारतीय क्रिकेटपटूंची अग्नीपरीक्षा आहे BCCI ची Dexa Test, यामध्ये बाहेर पडणार खेळाडूंचे अनेक सिक्रेट्स, पण कसे?)
टॉन्सिल कॅन्सर होण्याची कारणे
क्लीव्हलँड क्लिनिकच्या मते, संशोधनात एचपीव्ही (ह्युमन पॅपिलोमाव्हायरस) हे टॉन्सिल कर्करोगाचे एक कारण असल्याचे आढळून आले आहे. हा लैंगिक संक्रमित रोगांद्वारे पसरणारा विषाणू आहे. यासोबतच तंबाखू, अल्कोहोलचे अतिसेवन केल्यानेही या कर्करोगाचा धोका वाढतो. त्यामुळे ही कारणे लक्षात ठेवा आणि अशा गोष्टी करणे टाळा जेणेकरून तुम्ही टॉन्सिल कॅन्सर पासून स्वत:चा बचाव करू शकता किंवा हा आजार झाला तर त्या मागची कारणे ओळखू शकता.
(वाचा :- Ayurvedic Tips: ही लहान लहान 5 कामं करणा-या लोकांना स्पर्शही करत नाही कोणतेच गंभीर रोग, कायम राहतात दीर्घायुषी)
कोणाला असतो टॉन्सिल कॅन्सरचा धोका
टॉन्सिल कर्करोग कोणत्याही वयात विकसित होऊ शकतो, परंतु 50 वर्षांपेक्षा जास्त वयाच्या लोकांमध्ये तो अधिक मोठ्या प्रमाणात दिसून येतो. हा कर्करोग महिलांपेक्षा पुरुषांमध्ये चौपट जास्त आढळतो. याव्यतिरिक्त, काळ्या लोकांपेक्षा गोर्या लोकांना टॉन्सिल कर्करोगाचे निदान होण्याची शक्यता थोडी जास्त असते. म्हणूनच 50 पेक्षा जास्त वय झाल्यावर स्वत:ची अधिकाधिक काळजी घेणे आणि खास करून घश्याची काळजी घेणे महत्त्वाचे असते.
(वाचा :- Anal Fissure Treatment: पोट साफ न होणं, बद्धकोष्ठता, मुळव्याधापेक्षाही भयंकर आहे फिशर, हे 5 उपाय आरामाचं गुपित)
टॉन्सिल कॅन्सरवर उपचार
आता तुम्ही म्हणाल की सगळी माहिती तर कळली पण या आजारावर नक्की उपाय काय आहे? तर मंडळी आहा आजार बारा होऊ शकतो आणि यावर काही उपाय सुद्धा उपलब्ध आहेत. पण एक महत्त्वाची गोष्ट म्हणजे टॉन्सिल कर्करोगाचा उपचार त्याच्या स्टेजवर आणि ट्यूमरच्या आकारावर अवलंबून असतो. या प्रकरणात, शस्त्रक्रिया, रेडिएशन थेरपी, केमोथेरपी वापरली जाते. याच्या सहाय्याने टॉन्सिल कॅन्सरवर मात करता येऊ शकते.
(वाचा :- Covid 4th Wave : भारतात जानेवारीला येणार करोनाची चौथी लाट? AIIMS डॉक्टरांचा सल्ला, पुढील 40 दिवस करा हे एक काम)
कसा करावा बचाव?
टॉन्सिल कॅन्सरचा धोका कमी करण्यासाठी धूम्रपान किंवा कोणत्याही प्रकारचे तंबाखूजन्य पदार्थ टाळा. तसेच HPV टाळा. यामध्ये चाचणी घेणे, सुरक्षित लैंगिक संबंध ठेवणे आणि HPV वॅक्सिन घेणे समाविष्ट आहे. याशिवाय तोंडाच्या कर्करोगासाठी नियमित तपासणी करा, ज्यामुळे टॉन्सिल कर्करोग लवकर ओळखण्यास मदत होते.
(वाचा :- सावधान..! कितीही भयंकर खोकला येऊदेत, पण हे नाव असलेलं Cough Syrup चुकूनही पिऊ नका, आतापर्यंत 18 लोकांचा मृत्यू)