वास्तविक डोके, तोंड, दात, कान आणि डोळे हे सर्व अवयव नाकाशी जोडलेले असतात. याचा अर्थ घोरणे ही केवळ नाकाची समस्या नसून ती या अवयवांच्या समस्येचेही एक घातक लक्षण आहे. जीवनशैलीतील बदल, जसे की वजन कमी करणे, मद्यपानापासून दूर राहणे किंवा झोपेच्या वेळी योग्य स्थितीत झोपणे या सर्व गोष्टी आपल्याला घोरणे थांबवण्यात मदत करू शकतात. आयुर्वेदामध्ये घोरणे किंवा नाकाशी संबंधित समस्यांवर अनेक उपाय आहेत, ज्याद्वारे तुम्ही कोणत्याही दुष्परिणामांशिवाय ही समस्या दूर करू शकता. (फोटो सौजन्य :- iStock)
घोरण्यावर आयुर्वेदिक उपचार
आयुर्वेदिक डॉक्टर दीक्षा भावसार यांच्या मते, नस्य हे सर्व सुप्राक्लेविक्युलर (खांद्याच्या वरच्या अवयवांच्या) आजारांवर सर्वोत्तम आयुर्वेदिक उपचार आहे. आयुर्वेदात म्हटले आहे, “नासा ही शिरसो द्वारम्” म्हणजे नाक हे मेंदूचे प्रवेशद्वार आहे. डोके, तोंड, दात, कान, नाक, डोळे आणि एकूणच आरोग्याशी संबंधित सर्व विकारांवर ते मदत करते.
(वाचा :- High Protein Vegetarian Food : चिकन व मच्छी न आवडणा-यांसाठी मोठी खुशखबर, प्रोटीनचा खजिना आहेत हे 10 वेज पदार्थ)
नाकात टाका गायीचे तूप
डॉक्टर दीक्षा भावसार यांनी सांगितले की, सकाळी किंवा रात्री प्रत्येक नाकपुडीत गाईच्या तुपाचे 2 थेंब टाकल्याने तुम्हाला चांगली झोप लागते, तणाव, मायग्रेन इत्यादींमुळे होणा-या डोकेपासून आराम मिळतो, तुमची रोगप्रतिकारकशक्ती सुधारते, अॅलर्जी कमी होते, स्मरणशक्ती सुधारते आणि मानसिक आरोग्य सुधारते.
(वाचा :- Diabetes Milk: डायबिटीज किंवा Blood Sugar रूग्णांनी दूध पिणं सुरक्षित आहे? शास्त्रज्ञांनी दिलं सायंटिफिक उत्तर)
कधी आणि किती प्रमाणात टाकावे तूप?
डॉक्टरांनी सांगितले की, झोपण्यापूर्वी गाईच्या तुपाचे २ थेंब नाकात टाका. तुम्हाला ही कृती 21 दिवसांपासून ते 3 महिन्यांपर्यंत करावी लागेल. यामुळे तुम्हाला चांगली झोप येण्यास, मन शांत करण्यास, डोकेदुखीपासून मुक्त होण्यास आणि घोरण्यापासून मुक्त होण्यास मदत होईल.
(वाचा :- लिव्हरच्या भयंकर आजाराने गेला प्रसिद्ध इंडियन कॉमेडियन व Tv Host चा जीव, आजच खायचं बंद करा हे 7 पदार्थ नाहीतर)
अणु तेल
डॉक्टरांनी सांगितले की, जर तुम्हाला गायीचे तूप वापरायचे नसेल तर तुम्ही अणु तेल वापरू शकता. हे असे आयुर्वेदिक तेल आहे जे तुम्ही नस्य थेरपीसाठी देखील डॉक्टरांच्या सल्ल्याने वापरू शकता.
(वाचा :- Belly Fat Burn : पोटाची लटकणारी चरबी जाळून मिळवायचंय सपाट पोट व आकर्षक फिगर? मीठ खाताना करा हे काम व बघा कमाल)
नस्य थेरेपीने दूर होईल ऑटो-इम्यून डिसऑर्डर
नस्य हे ऑटो-इम्यून डिसऑर्डरमध्ये देखील खूप मदत करते. नस्य थेरपीने ऑटोइम्यून थायरॉईड, संधिवात, मल्टिपल स्क्लेरोसिस यांसारखे विकार टाळण्यास देखील मदत होय शकते.
(वाचा :- Weight Loss Food : हे 8 पदार्थ मनसोक्त खाल्ले तरी वाढणार नाही टिचभरही वजन, 40 पेक्षाही कमी कॅलरीने भरलेत ठासून)
टीप : हा लेख केवळ सामान्य माहितीसाठी असून यामधून कोणत्याही प्रकारच्या उपचाराचा दावा केला गेलेला नाही. अधिक जास्त माहितीसाठी नेहमी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य ते बदल करा
नाकाच्या प्रत्येक समस्येवरील उपाय