खराब झालाय टीव्हीचा रिमोट? ही ट्रिक वापरून थेट स्मार्टफोनने करा ऑपरेट

नवी दिल्ली: एकेकाळी भारतात काही ठराविकच घरांमध्ये टीव्ही पाहायला मिळत असे. मात्र, आता वेळेनुसार प्रत्येक घरामध्ये टीव्ही दिसतोच. आता जुन्या डब्बा टीव्हीची जागा आता स्मार्ट टीव्हीने घेतली आहे. स्मार्ट टीव्हीमुळे घरबसल्या कोणत्याही चित्रपट आणि सीरिजचा आनंद घेता येत असतो. घरीच राहून स्मार्ट टीव्हीच्या मोठ्या स्क्रीनवर चित्रपटाचा आनंद घ्यायला प्रत्येकाला आवडते. तसेच, टीव्हीसाठी सर्वात महत्त्वाची गोष्ट असते ती म्हणजे रिमोट. याद्वारेच तुम्ही टीव्हीला सहज ऑपरेट करू शकता. मात्र, रिमोट खराब झाल्यास टिव्ही पाहताना मोठी समस्या निर्माण होते. मात्र, ही मोठी समस्या नाही. तुम्ही सहज ही समस्या सोडवू शकता.

वाचा: मस्तच! खूपच स्वस्तात मिळतोय विवोचा ‘हा’ भन्नाट फोन, ५० मेगापिक्सल कॅमेऱ्यासह मिळतात शानदार फीचर्स

रिमोट खराब झाल्यास तुम्ही थेट स्मार्टफोनद्वारे टीव्हीला ऑपरेट करू शकता. तुम्ही एक सोपी ट्रिक वापरून तुमच्या स्मार्ट अँड्राइड टीव्हीला समार्टफोनने कंट्रोल करू शकता. यासाठी तुम्हाला गुगल टीव्हीची मदत घ्यावी लागेल. त्यानंतर स्मार्टफोनला टीव्हीचा रिमोट म्हणून वापरू शकता. सर्च इंजिन गुगलने रिमोटला आपल्या गुगल टीव्ही अ‍ॅपमध्ये उपलब्ध केले आहे. याआधी हे गुगल प्ले मूव्हीज अँड टीव्ही नावाने ओळखले जात असे. लक्षात ठेवा की यासाठी तुमचा फोन अँड्राइड ४.३ पुढील व्हर्जन आणि गुगल टीव्ही अ‍ॅप व्हर्जन ४.२७.८.९३ पुढील असायला हवे.

स्मार्टफोनचा रिमोट म्हणून वापर करण्यासाठी सर्वात प्रथम अँड्राइड फोनवर गुगल टीव्ही अ‍ॅप ओपन करा. येथे सर्वात खाली टीव्ही रिमोटचा पर्याय दिसेल, त्यावर टॅप करा. त्यानंतर डिव्हाइसेससाठी स्कॅनिंग पर्यायावर टॅप करा. यानंतर तुम्हाला डिव्हाइस निवडायचे आहे. आता अँड्राइड टीव्ही ओपन करून ६ कॅरेक्टर कोड नोट करा. त्यानंतर गुगल टीव्ही अ‍ॅपवर हा कोड टाका. तसेच, तुम्हाला अँड्राइड टीव्हीप्रमाणे गुगल अकाउंट वापरून गुगल टीव्ही अ‍ॅपमध्ये लॉग इन करण्याची गरज नाही.

वाचा: एका लग्नाची ‘टेक्नो’ गोष्ट; भारतात 3D व्हर्च्युअल शुभमंगल, वऱ्हाडही आलं लग्नाला, टेक्नोलॉजी पाहण्यासारखी

वाचा: जिओ यूजर्ससाठी आली मोठी गुड न्यूज, या प्लानमध्ये कंपनीकडून १०० रुपयाची कपात, रोज २ जीबी डेटा

वाचा: स्मार्टफोन चोरीला गेल्यास त्वरित करा ‘ही’ २ कामे, अन्यथा तुमचे बँक खाते होईल रिकामे