पोटात जाताच हे ४ पदार्थ वाढवतात LDL Cholesterol, कधीही येऊ शकतो हार्ट अटॅक

​दारूचे प्रमाण ठरते धोकादायक​

Alcohol Causes LDL Cholesterol: heartuk.org.uk ने दिलेल्या अहवालानुसार, जेव्हा तुम्ही दारू पिता, तेव्हा तुमच्या यकृतावर त्याचा परिणाम होतो आणि तुमच्या रक्तात ट्रायग्लिसराईड्स आणि कोलेस्ट्रॉल अधिक वाढू लागते. दारू कमी प्यायल्यास कोलेस्ट्रॉलचा त्रास कमी होतो, तसंच हृदयाच्या आरोग्यातही सुधारणा होते. त्यामुळे दारूचे प्रमाण कमी करा अथवा संपूर्ण बंद करावे.

​पाम ऑईलचे सेवन करावे कमी ​

Palm Oil Causes LDL Cholesterol: एका अभ्यासात सिद्ध झाल्यानुसार, पामतेलामध्ये अन्य तेलांच्या तुलनेत अधिक चरबी असते. जर पामतेलाचे नियमित सेवन होत असेल तर रक्तातील कोलेस्ट्रॉल पटकन वाढते. यामुळे धोका अधिक निर्माण होतो. तसंच अन्य तेलांच्या तुलनेत पामतेलात LDL Cholesterol हे ०.२४ mmol/L इतके वाढू शकते.

(वाचा – दुधात भिजवा काजू आणि मिळवा अफलातून फायदे, ऐकाल तर व्हाल हैराण)

​सोडा अथवा सोडा असणारी पेये टाळा​

Soda Causes LDL Cholesterol: तुम्हाला कोक, पेप्सी अथवा सोडा बेस्ड असणारी पेये पिण्याची सवय असेल तर वेळीच सोडा. कारण सोडा प्यायल्याने कोलेस्ट्रॉलचा त्रास अधिक वाढतो. ज्या वृद्ध व्यक्ती दिवसातून कमीत कमी एक गोड पेय पितात त्यांच्यामध्ये डिस्लिपिडेमिया अर्थात उच्च कोलेस्ट्रॉल विकसित होण्याचा धोका अधिक असतो. यामुळे हृदयरोग आणि स्ट्रोकची संभावना असते.

(वाचा – रोज सकाळी भिजवलेले खजूर आरोग्यासाठी ठरतात वरदान, हृदयरोग ते बद्धकोष्ठता आजारांवर गुणकारी)

​फॅटयुक्त दुधाचे जास्त सेवन​

Full Fat Milk Causes LDL Cholesterol: हेल्थलाईनने दिलेल्या एका अहवालानुसार, पूर्ण फॅट्स असणाऱ्या दुधाच्या सेवनामुळे तुमच्या शरीरातील एलडीएल कोलेस्ट्रॉलची पातळी अधिक वाढण्याची शक्यता असते. कारण यामध्ये असणारे सॅच्युरेटेड फॅट आणि कोलेस्ट्रॉल त्रासदायक ठरू शकते. त्यामुळे साय असणाऱ्या दुधापेक्षा तुम्ही स्किम्ड दुधाचा वापर करावा.

कोलेस्ट्रॉल हा शरीरासाठी घातक ठरतो. वेळीच तुम्ही या गोष्टी दूर करा आणि आरोग्याची काळजी घेऊन निरोगी राहा.

अशाच अधिक लाइफस्टाइल, हेल्थ, फॅशन, ब्युटी, होम डेकोर, रिलेशनशिप, हॅक्स यावरील अधिक माहितीसाठी क्लिक करा maharashtratimes.com