T 20 World Cup 2002 साठी पात्र न ठरताही श्रीलंकेने जाहीर केला संघ, पाहा काय आहे प्रकरण…

नवी दिल्ली : श्रीलंकेच्या संघाने आशिया चषक जिंकला असला तरी ते अजूनही ट्वेन्टी-२० विश्वचषक स्पर्धेसाठी पात्र ठरलेले नाहीत. पण आज श्रीलंकेने आज आपला संघ जाहीर केला आहे. आयसीसीने याबाबतची माहिती दिली आहे.

श्रीलंकेने भारत, पाकिस्तान, अफगाणिस्तान या तिन्ही संघांना आशिया चषकात पराभूत केले. पण भारत, पाकिस्तान, अफगाणिस्तान हे तिन्ही संघ ट्वेन्टी-२० विश्वचषकासाठी पात्र ठरले आहेत. पण श्रीलंकेचा संघ आशिया चषक जिंकवूनही अजून ट्वेन्टी-२० विश्वचषकासाठी पात्र ठरलेला नाही. पण आज अखेर श्रीलंकेने आपला संघ जाहीर केला आहे.

श्रीलंकेला जर ट्वेन्टी-२० विश्वचषकासाठी पात्र ठरायचे असेल तर त्यांना आता एक गोष्ट करावी लागणार आहे. ट्वेन्टी-२० विश्वचषकापूर्वी पात्रता फेरीचे सामने खेळवण्यात येणार आहेत. श्रीलंकेचा यावेळी पात्रता फेरीतील पहिला सामना हा नामिबियाबरोबर १६ ऑक्टोबरला होणार आहे, त्यानंतर श्रीलंकेचा दुसरा सामना हा १८ ऑक्टोबरला युएईच्या संघाबरोबर होणार आहे आणि तिसरा सामना हा २० ऑक्टोबरला नेदरलँड्सबरोबर होणार आहे. या पात्रता फेरीत जर श्रीलंकेने विजय मिळवले तरच त्यांना ट्वेन्टी-२० विश्वचषकात खेळता येणार आहे. त्यामुळे या पात्रता फेरीसाठी आज श्रीलंकेचा संघ जाीहर करण्यात आला आहे. हा संघ पात्रता फेरीत खेळणार आहे आणि जर ते पात्र ठरले तर विश्वचषकासाठी हाच संघ कायम राहील. पण त्यासाठी संघातील खेळाडू किती फिट आहे, हे पहिले पाहिले जाईल. जे कोणते खेळाडू फिट नसतील तर श्रीलंकेचा संघ यामध्येबदल करू शकतो आणि नवीन संघ पुन्हा जाहीर करू शकतो.

श्रीलंकेने आशिया चषकात दमदार कामगिरी केली. श्रीलंकेने या स्पर्धेच्या अंतिम फेरीत पाकिस्तानवर भन्नाट विजय साकारला. हा सामना श्रीलंकेचा संघ जिंकेल, असे कोणालाच वाटत नव्हते. कारण श्रीलंकेने अंतिम फेरीतील टॉस गमावला होता आणि त्यांना प्रथम फलंदाजी करावी लागणार होती. या स्पर्धेत प्रथम फलंदाजी करणाऱ्या संघाला पराभव पत्करावा लागल्याचे पाहायला मिळाले होते. त्यामुळे श्रीलंकेचा संघ यावेळी जिंकेल, असे कोणालाच वाटत नव्हते. श्रीलंकेचे पाच विकेट्सही लवकर गेले होते. त्यामुळे श्रीलंका आता ही स्पर्धा जिंकू शकत नाही, यावर काही जणं ठाम झाली होती. पण भानुका राजपक्षाने धडाकेबाज फलंदाजी करत अर्धशतक झळकावले, तर वानिंडू हसरंगाने एकाच षटकात तीन विकेट्स मिळवल्या आणि त्यामुळेच श्रीलंकेला आशिया चषक जिंकता आला.