SSC CGL 2022: स्टाफ सिलेक्शनकडून २० हजार पदांची भरती, ही घ्या अर्जाची थेट लिंक

SSC CGL 2022: कर्मचारी निवड आयोगाकडून (SSC CGL Recruitment 2022) भरतीसंदर्भात महत्वाची अपडेट देण्यात आली आहे. आयोगाने (SSC) एकत्रित स्तर पदवी परीक्षा (SSC CGL) 2022 च्या ग्रुप सी आणि बी भरतीचे नोटिफिकेशन प्रसिद्ध केले आहे. याअंतर्गत मंत्रालयातील विविध विभागांमध्ये भरती केली जाणार आहे. या पदासाठी इच्छुक आणि पात्र उमेदवार स्टाफ सिलेक्शन कमिशनच्या अधिकृत वेबसाइट ssc.nic.in वर जाऊन ऑनलाइन अर्ज करू शकतात.

एसएससी भरती प्रक्रियेद्वारे भारत सरकारच्या विविध मंत्रालये/विभाग/संस्थांमध्ये ग्रुप बी आणि सी च्या एकूण २० हजार (तात्पुरती रिक्त जागा) रिक्त जागा भरल्या जातील. यामध्ये विविध विभागातील सहाय्यक, सहायक अधिकारी, निरीक्षक, उपनिरीक्षक, कनिष्ठ सांख्यिकी अधिकारी, लेखा परीक्षक, लेखापाल, अप्पर विभागीय लिपिक अशा विविध पदांचा समावेश आहे.

पदासाठी अर्ज करणाऱ्या उमेदवाराने कोणत्याही मान्यताप्राप्त विद्यापीठातून किंवा संस्थेतून बॅचलर पदवी प्राप्त केलेली असावी. सर्व पदांसाठी अर्जाची पात्रता वेगळी आहे. तथापि, एसएससी सीजीएलमध्ये, कोणत्याही मान्यताप्राप्त संस्था किंवा विद्यापीठातून बॅचलर पदवी असलेले उमेदवार अर्ज करू शकतात.

टियर-१, टियर-२, टियर-३, टियर-४ परीक्षांमधील कामगिरीच्या आधारावर निवड होणार आहे. टियर-१ आणि टियर-२ ही संगणक आधारित परीक्षा असेल. टियर-३ पेन पेपर मोड (वर्णनात्मक) पासून असेल. टियर-४ ही कौशल्य चाचणी (संगणक प्रवीणता चाचणी किंवा डेटा एंट्री चाचणी) असेल.

BHEL मध्ये बंपर भरती, सरकारी नोकरीसाठी ‘येथे’ क्लिक करा
महत्वाच्या तारखा
ऑनलाइन अर्ज सुरू – १७ सप्टेंबर
ऑनलाइन अर्ज करण्याची शेवटची तारीख – ८ ऑक्टोबर, रात्री ११ वा
ऑनलाइन अर्ज शुल्क जमा करण्याची शेवटची तारीख –९ ऑक्टोबर २०२२ रात्री ११ वा.
चलनाद्वारे पेमेंट करण्याची शेवटची तारीख –१० ऑक्टोबर २०२२
‘अर्ज फॉर्म दुरुस्तीसाठी विंडो’ च्या तारखा – १२ आणि १३ ऑक्टोबर रात्री ११ वाजेपर्यंत

ग्रुप सी पदासाठी अर्ज करणाऱ्या उमेदवाराचे वय १८ ते २७ वर्षांदरम्यान असावे तर ग्रुप बीसाठी अर्ज करणाऱ्या उमेदवाराचे वय १८ ते ३० वर्षांदरम्यान असावे.

SSC CGL परीक्षा 2022 साठी अर्ज करण्‍यासाठी, उमेदवारांनी SSC वेबसाइट ssc.nic.in वर स्वतःची नोंदणी करणे आवश्यक आहे. यानंतर नोंदणी क्रमांक आणि पासवर्डसह लॉग इन करून SSC CGL परीक्षा २०२२ साठी अर्ज करा.

या पदासाठी अर्ज करणाऱ्या उमेदवारांना १०० अर्ज शुल्क भरावे लागेल. तथापि, महिला, एसी,एसी, पीडब्ल्यूडी आणि माजी सैनिकांना अर्ज शुल्कातून सूट देण्यात आली आहे. ऑनलाइन अर्ज करण्यापूर्वी पासपोर्ट साइटचा रंगीत स्कॅन केलेला फोटो (२०केबी ते ५० केबी) तुमच्यासोबत ठेवावा. १७ सप्टेंबरपासून अर्ज भरण्याची प्रक्रिया सुरू झाली असून ८ ऑक्टोबर ही अर्जाची शेवटची तारीख आहे.

पदभरतीचा तपशील पाहण्यासाठी येथे क्लिक करा

NABARD मध्ये बंपर भरती, पदवीधर असाल तर ‘येथे’ पाठवा अर्ज
FCI Recruitment: भारतीय खाद्य महामंडळात बंपर भरती, येथे पाठवा अर्ज