गायक दलेर मेहंदीला HCचा दिलासा; तुरूंगवासाच्या शिक्षेला स्थगिती

मुंबई,  15 सप्टेंबर : 19 वर्ष जुन्या प्रकरणात  प्रसिद्ध गायक दलेर मेहंदीला हायकोर्टाने दिलासा दिला आहे. ह्यूमन ट्रॅफिकिंग प्रकरणात दलेर मेहंदीला दोन वर्षांची शिक्षा सुनावण्यात आली होती.  गायकाला निलंबित करण्यात आलं होतं. या शिक्षेच्या विरोधात दलेरनं हायकोर्टात याचिका दाखल केली होती ही याचिका कोर्टाने मान्य केली आहे. दलेर मेहंदीला पटियाला कोर्टाकडून सुनावण्यात आलेली तुरुंगवासाची शिक्षा पंजाब हरियाणा कोर्टाकडून स्थगित करण्यात आली आहे.

प्रसिद्ध पंजाबी गायक दलेर मेहंदीला ह्यूमन ट्रॅफिकिंग म्हणजे मानवी तस्करी विरोधात शिक्षा सुनावण्यात आली होती. हे प्रकरण 19 वर्ष जुनं आहे. पटियालाच्या ट्रायल कोर्टानं त्याला दोषी ठरवून 16 मार्च 2018मध्ये दोन वर्षांची शिक्षा सुनावली होती.  परंतू दलेरनी पटियाला कोर्टाच्या अँडिशनल सेशन जजकडे याचिका दाखल केली होती.

Punjab and Haryana High Court grants relief to singer Daler Mehndi; stays the decision of Patiala Court that had sentenced him to two years of imprisonment in a 2003 human trafficking case.

(Pic – Daler Mehndi’s Twitter profile) pic.twitter.com/mSQaTp9tBY

— ANI (@ANI) September 15, 2022

हेही वाचा – Ranveer Singh: न्यूड फोटोसोबत झालीय छेडछाड; पोलिसांसमोर रणवीर सिंहचा मोठा दावा

दलेर मेहंदीनं दाखल केलेल्या याचिकेवर चार वर्ष सुनावणी सुरू होती. अखेर 14 जुलै 2022 रोजी दलेरची मागणी फेटाळून लावली.  त्यानंतर दलेर मेहंदीनं उच्च न्यायालयात पुनर्विचार याचिका दाखल करून आव्हान दिलं होतं. या याचिकेत गायकानं त्याच्या शिक्षेविरोधात केलेली याचिका प्रलंबित असेपर्यंत शिक्षेला स्थिगिती देण्याची विनंती उच्च न्यायालयाकडे केली आहे. त्याच्या याचिकेला आणि शिक्षेला स्थगिती देण्याच्या मागणीवर उच्च न्यायालयाने पंजाब सरकारला नोटीस बजावून उत्तर देण्याचे आदेश दिले आहेत.