शशांक केतकर घेतोय नायगरा धबधब्याचा आनंद, हा Video नक्की पाहा!

मुंबई : काही दिवसांपूर्वी शशांक केतकर अमेरिकेला गेला. बृहन् महाराष्ट्र मंडळाचं संमेलन तिथे होतं. तेव्हा नाटकासाठी तो तिथे पोहोचला होता. पण शशांक आता अमेरिकेत भटकंती करतोय आणि तिथले फोटो शेअर करतोय. आताही त्यानं नायगरा धबधब्याचे फोटो, व्हिडिओ सोशल मीडियावर टाकले आहेत.

अक्षय कुमारनं सिनेमांतून घेतला ब्रेक, ट्विंकलसोबत गाठलं लंडन, नक्की काय आहे कारण?

अमेरिका भेटीत नायगरा धबधबा पाहायला न जाणारे अगदी विरळाच असतील. शशांक केतकरनंही ही संधी घालवली नाही. त्यानं त्याच्या इन्स्टाग्रामवरर नायगरा इथले फोटो आणि व्हिडिओ शेअर केलेत. त्यावर लिहिलंय, अद्भुत. तो अनुभवच खूप सुंदर, नयनरम्य असल्याचं शशांक एकाच शब्दात सांगतोय. त्याच्या पोस्टवर अनेकांनी प्रतिक्रिया दिल्यात. काही चाहते म्हणतायत, जरा सांभाळून. तर एका चाहतीनं लिहिलंय, लवकर परत ये. आम्ही मालिकेत बोअर झालो आहोत. अनेकांनी हार्ट इमोजीही शेअर केल्यात.

मध्यंतरी तो एका कारमध्ये होता आणि ती पोस्ट शेअर करत त्यानं चाहत्यांशी संवादही साधला होता. या पोस्टमध्ये शशांक Tesla कारमध्ये आहे. तसे फोटो त्यानं शेअर केले आहेत. आपल्या चाहत्यांना तो म्हणतोय, ‘पैसा की सुख ? जास्त काय महत्त्वाचं ? तुम्ही ठरवा आणि मला सांगा. तोवर मी Tesla मधून New York फिरून येतो.’ शशांकच्या यो पोस्टला नेटकऱ्यांनी खूप प्रतिसाद दिला आहे.

एक्स बॉयफ्रेंडसोबत दिसली सुष्मिता, लोकांनी विचारलं ललित कुठं?

अभिनेता शशांक केतकरची सध्या स्टार प्रवाहवर मुरांबा मालिका सुरू आहे. त्यात तो अक्षय ही व्यक्तिरेखा साकारतोय. अक्षय आणि रमाची जोडी प्रेक्षकांना आवडतेय. मालिका दुपारी असते. मालिकेतही सध्या शशांक अमेरिकेला गेल्याचं दाखवलंय. तिथे शशांकनं रसिका सुनीलबरोबर आमने सामने नाटक केलं.