शालेय विद्यार्थ्यांसाठी आनंदाची बातमी, २ मेपासून उन्हाळी सुट्टी सुरु

School Summer Vacation: संपूर्ण राज्यातील शाळांच्या (Maharashtra School) कालावधीमध्ये एकवाक्यता आणि सुसंगती आणण्यासाठी सन २०२२ ची उन्हाळी सुट्टी (Summer vacation) आणि आगामी शैक्षणिक वर्ष २०२२-२३ संदर्भात शालेय शिक्षण विभागाने (Education Department) महत्वाचा निर्णय जाहीर केला आहे. यानुसार विद्यार्थ्यांना २ मे पासून उन्हाळी सुट्टी लागू करण्यात आली आहे. शालेय शिक्षणमंत्री वर्षा गायकवाड यांनी हा निर्णय घेतला आहे. शिक्षण विभागाच्या या निर्णयामुळे शिक्षक, पालक आणि विद्यार्थ्यांना फार मोठा दिलासा मिळाला आहे. या निर्णयामुळे गेल्या दोन वर्षांपासून करोनामुळे आपल्या गावी न गेलेल्या सर्वांनाच सुट्टीचा आनंद घेता येणार आहे.

सोमवार २ मे २०२२ पासून उन्हाळी सुट्टी लागू करून या सुट्टीचा कालावधी रविवार १२ जून २०२२ पर्यंत ग्राहय धरण्यात येणार आहे. पुढील शैक्षणिक वर्ष सन २०२२-२३ मध्ये दुसरा सोमवार १३ जूनपासून शाळा सुरू करण्यात येणार आहेत. तसेच जून महिन्यातील विदर्भाचे तापमान विचारात घेता उन्हाळयाच्या सुट्टीनंतर तेथील शाळा चौथा सोमवार म्हणजेच २७ जूनपासून शाळा सुरु होणार आहेत.

इयत्ता पहिली ते नववी आणि ११ वी चा निकाल दिनांक ३० एप्रिल २०२२ रोजी किंवा त्यानंतर सुट्टीच्या कालावधीत जाहीर होईल. हा निकाल विद्यार्थी/पालकांपर्यंत पोहचविण्याची जबाबदारी संबंधीत शाळेची राहणार आहे.

Heat wave: उन्हाचा तडाखा वाढला; शाळांच्या वेळा सकाळी करण्याच्या शिक्षण आयुक्तांच्या सूचनाCBSE Term 1 Result: शाळांना २० एप्रिलपर्यंत नोंदवता येणार आक्षेप
शालेय शिक्षण विभागातर्फे महत्वाचे निर्णय घेण्यात आले आहेत. त्यानुसार शाळांतून उन्हाळयाची आणि दिवाळीची दीर्घ सुट्टी कमी करून त्याऐवजी गणेशोत्सव किंवा नाताळ यासारख्या सणांवेळी सुट्टी घेता येणार आहे. माध्यमिक शाळा संहिता नियम ५२.२ नुसार, शैक्षणिक वर्षातील सर्व प्रकारच्या एकूण सुट्ट्या ७६ दिवसापेक्षा जास्त होणार नाहीत, याची दक्षता शिक्षण अधिकाऱ्यांना घ्यावी लागणार आहे.

Income Tax job 2022: दहावी उत्तीर्ण आहात? आयकर विभागात मिळेल नोकरी
IPR Recruitment 2022: प्लाझ्मा रिसर्च इन्स्टिट्यूटमध्ये पदवीधरांना नोकरीची संधी
आगामी शैक्षणिक वर्षापासून यापुढे दरवर्षी राज्यातील सर्व प्राथमिक, माध्यमिक आणि उच्च माध्यमिक शाळा जून महिन्यातील दुसऱ्या सोमवारी (त्या दिवशी सार्वजनिक सुट्टी असल्यास त्यानंतरचा दिवस) तसेच विदर्भातील तापमान विचारात घेता जून महिन्यातील चौथ्या सोमवारी (त्या दिवशी सार्वजनिक सुट्टी असल्यास त्यानंतरचा दिवस) जी तारीख असेल त्या तारखेपासून शाळा सुरू होणार आहेत.

SSC Result: दहावी परीक्षेचा निकाल कधी? जाणून घ्या तपशील
KVS मध्ये प्रवेशाची वयोमर्यादा ६ वर्षेच राहणार, निर्णयाला आव्हान देणारी याचिका कोर्टाने फेटाळली