MajhiNews Marathi News, Latest Marathi News, Marathi News Paper, Maharashtra Breaking News | मराठी ताज्या बातम्या
आंतरराष्ट्रीय टेनिस स्टार सानिया मिर्झाचा जन्म १५ नोव्हेंबर १९८६ रोजी मुंबईत झाला. तिचे वडील इम्रान मिर्झा हे क्रीडा पत्रकार आणि सानियाचे प्रशिक्षक आहेत. सानियाच्या आईचे नाव नसीमा मिर्झा आहे. तिची बहीण अनम मिर्झा हिचे स्वतःचे फॅशन लेबल आहे. सानिया मिर्झाने १२ एप्रिल २०१० रोजी माजी पाकिस्तानी क्रिकेटर शोएब मलिकसोबत लग्न केले. ऑक्टोबर २०१८ मध्ये तिने त्यांचा मुलगा इझान मिर्झा मलिकला जन्म दिला.
सानिया मिर्झाचे शिक्षण हैदराबादमध्ये पूर्ण झाले आहे. तिचे सुरुवातीचे शिक्षण हैदराबाद येथील एनएएसआर शाळेत झाले. सानिया मिर्झाने नंतरचे शिक्षण हैदराबादच्या सेंट मेरी कॉलेजमधून केले. या महाविद्यालयातून तिने ग्रॅज्युएशन पूर्ण केले आहे. ११ डिसेंबर २००८ रोजी तिला एमजीआर शैक्षणिक आणि संशोधन संस्था विद्यापीठ, चेन्नई कडून मानद डॉक्टरेट प्रदान करण्यात आली.
‘बाहुबली’ फेम अनुष्का शेट्टीचा योग ट्रेनर ते अभिनय असा प्रवास, कितवी शिकलीय? जाणून घ्या
सानिया मिर्झाने वयाच्या सहाव्या वर्षी हैदराबादच्या निजाम क्लबमध्ये टेनिस खेळण्यास सुरुवात केली. महेश भूपतीचे वडील आणि भारताचा यशस्वी टेनिसपटू सीके भूपती यांच्याकडून तिने सुरुवातीचे प्रशिक्षण घेतले. टेनिसकडे तिचा कल वाढवण्यात इम्रान मिर्झा यांचे महत्त्वाचे योगदान आहे. ते सानियाचे सुरुवातीचे प्रशिक्षकही राहिले आहेत.
सानियाने १९९९ मध्ये वयाच्या अवघ्या १४ व्या वर्षी तिच्या आंतरराष्ट्रीय करिअरला सुरुवात केली होती. त्यानंतर तिने वर्ल्ड ज्युनियर टेनिस चॅम्पियनशिपमध्ये भाग घेतला. सानिया तिच्या व्यस्त शेड्युलमधून वेळ काढून तिचा मुलगा इझान सोबत हँग आउट करत असे. तिचे आणि इझानचे फोटो सोशल मीडियावर पाहायला मिळतात. सध्या सानिया आणि तिचा पती शोएब मलिक यांच्यात बिनसल्याचे वृत्त समोर येत आहे.
शिक्षण अर्धवट सोडून १५ वर्षे करतेय अभिनय, दीपिका पदुकोणच्या करिअरविषयी जाणून घ्या
