पवित्र पोर्टलद्वारे शिक्षक मिळेनात, तात्पुरत्या कालावधीसाठी शिक्षक भरण्याची वेळ

शनिवारी महापालिकेच्या माध्यमिक शिक्षण विभागाकडून १२४ पदांसाठीची जाहिरात प्रसिद्ध करण्यात आली. यामध्ये मराठी माध्यमाच्या माध्यमिक शाळांमध्ये ९३, उर्दू माध्यमाच्या शाळांमध्ये २८ आणि रात्र शाळांमध्ये अर्धवेळ काम करण्यासाठी तीन शिक्षकांच्या पदांसाठी ही जाहिरात आहे. यात आठवी ते दहावीच्या विद्यार्थ्यांना शिकवण्यासाठी ८२ शिक्षकांची भरती करण्यात येणार आहे.

बीए, बीएससी, बीकॉमची पुस्तके मराठीतून; यूजीसीची पुस्तक प्रकाशकांसोबत बैठक
अकरावी-बारावीच्या विद्यार्थ्यांना शिकवण्यासाठी ११ शिक्षकांची नेमणूक केली जाणार असून, उर्दू माध्यमातील आठवी ते दहावीसाठी १७ व अकरावी-बारावीसाठी ११ शिक्षकांची नेमणूक करण्यात येणार आहे. या नेमणुका केवळ सहा महिन्यांसाठी असल्याने त्यानंतर पुन्हा काय करणार, असा प्रश्न उभा ठाकला आहे.

महापालिकेच्या माध्यमिक विभागाच्या अंतर्गत पुणे शहरात तीसहून अधिक शाळा सुरू आहेत. या शाळांमध्ये असलेल्या शिक्षकांची संख्या अपुरी आहे. शैक्षणिक वर्ष २०२२-२३ सुरू झाल्यानंतरच महापालिकेकडून शिक्षकांची भरती करणे गरजेचे होते.

मात्र, ‘पवित्र पोर्टल’कडून मिळणाऱ्या शिक्षकांच्या प्रतीक्षेत शैक्षणिक वर्ष अर्धे संपल्यानंतर शिक्षकांची भरती महापालिकेला करावी लागणार आहे. पुढील शैक्षणिक वर्षाच्या सुरुवातीलाच या शिक्षकांचा कार्यकाळ संपणार असल्याने त्यांचा विद्यार्थ्यांना कितपत उपयोग होणार, असाही प्रश्न निर्माण झाला आहे.

Schools Subsidy: एक निर्णय आणि राज्यातील ६ हजार शाळा, ६३ हजार शिक्षक-शिक्षकेत्तर कर्मचाऱ्यांना होणार फायदा