राणी एलिझाबेथ यांच्याकडील कोहिनूर भारतात येणार का? रवीना टंडनने शेअर केला जुना व्हिडिओ

मुंबई- ब्रिटनच्या दुसऱ्या महाराणी एलिझाबेथ यांचे गेल्या आठवड्यात निधन झाले. त्यांच्या निधनानंतर सोशल मीडियावर एका खास गोष्टीची चर्चा सुरू झाली आहे. जगातील सर्वच देशांकडून ब्रिटनच्या राजघराण्याकडे असलेल्या मौल्यवान वस्तू परत करण्याची मागणी वाढत आहे. यामध्ये भारतीयांचाही सूर आहे. ब्रिटनच्या रॉयल घराण्याकडे भारताचा कोहिनूर हिरा आहे. आता राणी एलिझाबेथ यांच्या निधनानंतर तो परत करावा अशी मागणी भारतीय नागरिक करत आहेत.

बापरे! सुपरस्टार अभिनेता देहविक्री करणाऱ्यांना ठेवायचा कामाला

इंग्रजांनी भारतावर राज्य केलं तेव्हा ज्या गोष्टी लुटून नेल्या त्यामध्ये कोहिनूर हिरा आहे, जो सध्या ब्रिटनच्या रॉयल घराण्याकडे आहे. तोच आता भारताला परत द्यावा ही मागणी जोर धरत आहे. राणीच्या निधनानंतर छेडलेल्या या वादात अभिनेत्री रवीना टंडन हिने एक जुना व्हिडिओ शेअर करून लक्ष वेधलं आहे. जॉन ऑलिवरच्या या व्हिडिओमध्ये नेमकं आहे तरी काय?

रवीनाने शेअर केलेल्या व्हिडिओमध्ये ब्रिटीशांचा चांगलाच पर्दाफाश झाला आहे. या व्हिडिओमध्ये कॉमेडियन आणि निवेदक जॉन ऑलिवर इंग्रजांच्या चोरी करण्याच्या सवयीवर प्रकाश टाकताना दिसत आहेत. इंग्रजांनी भारताचा कोहिनूर हिरा कसा हिरावून घेतला आणि आता ते परत देण्यास टाळाटाळ करत आहेत हे या व्हिडिओमध्ये जॉन यांनी दाखवले आहे. भारताच्या कोहिनूरप्रमाणे इंग्रजांनी अनेक देशांमधील अशाच अनेक मौल्यवान वस्तू लुटल्या आहेत असंही या व्हिडिओत दाखवलं आहे.

मी माझ्या आयुष्यात काहीही करो… एक्स्टा मॅरेटिअल अफेअरच्या आरोपांवर स्पष्टच बोलली निशा रावल

व्हिडिओमध्ये जॉन असं म्हणतोय की, १८५० साली इंग्रजाकडून भारताचा कोहिनूर हिरा राणी व्हिक्टोरियाला देण्यात आला. त्यानंतर तो १०५ कॅरेटचा कोहिनूर हिरा शाही मुकुटात जडवण्यात आला. तोच मुकूट राणी एलिझाबेथ यांच्या १९५३ साली झालेल्या राज्याभिषेक सोहळयात डोक्यावर घालण्यात आला. आता राणी एलिझाबेथ यांच्या निधनानंतर कोहिनूर हिरा भारताच्या मालकीनुसार परत दिला पाहिजे. ब्रिटीश म्युझियममधील बहुतांशी वस्तू या अशाच इंग्रजांनी अनेक देशांकडून चोरी करून किंवा हिरावून आणलेल्या आहेत. त्यामुळे या म्युझियमला एक्टीव्ह क्राइम सीन म्हटलं पाहिजे. रवीना टंडनने हा व्हिडिओ शेअर करत स्माइली इमोजी जोडल्या आहेत.