प्रियांका चोप्राने ३० व्या वर्षीच केले Egg Freezing, कमी वयात एग फ्रिजिंगचा फायदा

एग फ्रिजिंग म्हणजे नेमके काय?

प्रियांकाच्या या खुलाशानंतर आता पुन्हा एकदा एग फ्रिजिंगबाबत उत्सुकता निर्माण झाली आहे. अनेक सेलिब्रिटी ही मेथड अंगिकारत आहेत. माजी मिस इंडिया डायना हेडन अथवा अभिनेत्री मोना सिंह, तनिषा मुखर्जी यांनी याबाबत सार्वजनिक बोलून दाखवले आहे. एग फ्रिजिंगमुळे करिअरवर लक्ष देणे अधिक सोपे झाले.

ASRM ने २०१२ मध्ये जेव्हा एग फ्रिजिंगबाबत प्रयोग पूर्ण झाल्याचे सांगितले तेव्हापासून याबाबत अधिक चर्चा सुरू झाली. ज्या मुलींना आई होण्याचा दबाव एका विशिष्ट वयात नकोय त्यांच्यासाठी हा उत्तम पर्याय आहे. मात्र साधारण ३० वर्षाच्या आधी याचा अधिक उपयोग करून घेता येतो. लहान वयात अंडी फ्रिज करणं अधिक सोपं आणि सोयीस्कर ठरते. जेणेकरून तुम्ही कोणत्याही वयात आई होऊ शकता.

काय आहे एग फ्रिजिंग मेथड?

• Egg Freezing करण्यापूर्वी डॉक्टर महिलांची हेपेटायटिस आणि HIV Test करून घेतात. कोणत्याही महिलेला संक्रमण असले तरीही एग फ्रिजिंग प्रक्रिया करता येते
• संक्रमित महिलांच्या अंड्यामुळे अन्य महिलांचे अंडे खराब होऊ नये यासाठी ही टेस्ट करण्यात येते. ही अंडी वेगळी ठेवली जातात
• महिलांच्या शरीरातील अंडी फ्रोजन करण्याआधी त्यांचे हार्मोन उत्तेजित करण्यासाठी १०-१२ दिवस आधी औषधे देण्यात येतात
• इंजेक्शनद्वारे हे हार्मोन्स उत्तेजित केले जातात. महिलांना हवं असल्यास रोज क्लिनिकमध्ये जाऊन हे इंजेक्शन घेऊ शकतात अथवा स्वतः शिकूनही त्याचा वापर करता येतो
• क्लिनिकमध्ये इंजेक्शन घेतल्यानंतर १ तासाने घरी जाऊ शकताअंडी परिपक्व झाल्यानंतर डॉक्टर काढतात आणि त्यानंतर महिलांच्या मर्जीनुसार लॅबमध्ये शुक्राणूंसह मिक्स करण्यात येतात