H3N2 इन्फ्लुएन्झा आजाराचा प्रेग्नन्सीवर प्रभाव पडणे धोकादायक?

H3N2 Influenza नेमके काय आहे?

H3N2 Influenza हा तापाचा एक प्रकार आहे. कोविड म्हणजेच कोरोनाशी मिळतीजुळती लक्षणे असलेला हा नवा व्हायरस असून सध्या या तापाच्या केस अधिक प्रमाणात वाढलेल्या दिसून येत आहेत. हा आजार गंभीर असून वेळीच याकडे लक्ष द्यायला हवे. विशेषतः गर्भवती महिलांनी याची काळजी घ्यावी. कारण याचे संक्रमण गर्भवती महिलांना लवकर होण्याची शक्यता आहे.

प्रेग्नन्सीमध्ये काय आहे धोका?

गर्भधारणा झालेल्या महिलेला गर्भधारणेच्या पहिल्या तिमाहीत ताप आल्यास त्याचे काय होऊ शकते? तीन महिन्यांत बाळ नाजूक अवस्थेत असते. त्यामुळे या तापासाचा परिणाम होऊन गर्भपात होऊ शकतो. तसंच तुम्हाला ताप असल्यास, त्याचा बाळाच्या आरोग्यावर अप्रत्यक्षपणे परिणाम होऊ शकतो, यामध्ये स्पायना बिफिडा सारख्या अनुवांशिक विकाराने त्रस्त होऊ शकता

(वाचा – एडिमामुळे प्रेग्नन्सीमध्ये स्तन आणि हातांवर येऊ शकते सूज, एडिमा म्हणजे नेमके काय)

गर्दीत अजिबात फिरू नका

आणखी एक गोष्ट लक्षात ठेवण्यासारखी आहे की, घरात कोणालाही खोकला असला तरी आपण बाहेर गर्दीत फिरू नये किंवा फिरताना मास्क घालावा. तुम्हाला एखाद्याच्या सहवासात काम करायचे असेल तर मास्कशिवाय काम करू नये.

(वाचा – एक्टोपिक प्रेग्नन्सी म्हणजे काय? लक्षणं, कारणे आणि उपचार घ्या जाणून )

WHO ने लसीकरणाचा दिला सल्ला

गर्भवती महिलांना गरोदरपणाच्या कोणत्याही काळात लसीकरण करून घेता येईल आणि या आजारापासून वाचण्यासाठी गरोदर महिलांना लसीकरण करण्याचे आवाहनही WHO ने केले आहे. यासाठी WHO ने H3N2 संदर्भात संपूर्ण माहितीच प्रकाशित केलेली दिसून येते.

गंभीर आजार असणाऱ्या गरोदर महिला

ज्या महिलांना डायबिटीस, कॅन्सरसारखा गंभीर आजार आहे अथवा होऊन गेला आहे आणि त्या गरोदर असतील तर अशा महिलांनी स्वतःची आणि आपल्या बाळाची विशेष काळजी घ्यायला हवी. कोणतीही औषधे वा लसीकरण चुकवू नये. आपल्या आहाराकडे दुर्लक्ष करू नये. थोडाही ताप, सर्दी – खोकला जाणवल्यास त्वरीत डॉक्टरांकडे जावे.

डिस्क्लेमरः H3N2 Influenza अधिक वेगाने पसरत आहे. वेळीच काळजी घ्यायला हवी. ही माहिती तुमच्या ज्ञानासाठी डॉक्टरांकडून देण्यात आली आहे. मात्र अधिक माहितीसाठी स्वतःच्या डॉक्टरांचा सल्ला घ्यावा.