‘प्रेमाचा गुलकंद’ चिरतरुण राहण्यासाठी असा करा gulkand चा वापर

मुरुमांशी करा असा सामना

जर तुमच्या चेहऱ्यावर मुरुम आणि पिंपल्स येत असतील तर तुम्ही गुलकंदचा वापर करुन नितळ त्वचा मिळवू शकता. गुलकंदमध्ये असणारे अँटी-बॅक्टेरियल गुणधर्म मुरुमांशी लढण्यास मदत करतात. मुरुमांच्या समस्येपासून सुटका मिळवण्यासाठी सर्वप्रथम गुलकंद हलके बारीक करून घ्या. त्यात चंदन पावडर, गुलाबजल आणि काही थेंब मध मिसळून घट्ट पेस्ट बनवा. आता प्रथम तुमचा चेहरा स्वच्छ करा आणि नंतर ही पेस्ट तुमच्या त्वचेवर लावा.यामुळे तुमची त्वचा साफ होण्यास मदत होईल.

(वाचा :- केस गळणे थांबवण्यासाठी करा 4 योगाप्रकार, बाबा रामदेव यांनी दिल्या सोप्या टिप्स )

स्किन टोन बनवा

गुलकंदाचा वापर करुन तुम्ही स्क्रब तयार करु शकता. या स्क्रबमुळे तुमच्या त्वचेवरील मृतपेशी काढून टाकण्यास मदत होत. हे स्क्रब बनवण्यासाठी आधी बदाम रात्रभर भिजत ठेवा आणि सकाळी त्याची पेस्ट बनवा. आता त्यात थोडी गुलकंद किंवा गुलाबाच्या पाकळ्यांची पेस्ट घाला. हे मिश्रण चेहऱ्यावर लावा यामुळे स्किन टोन चांगला राहण्यास मदत होईल.

सनबर्नपासून आराम

गुलाबाचे फुल थंड असते असे मानले जाते. त्यामुळे या फुलाचा वापर करुन सूर्यापासून येणाऱ्या अतिनिल किरणांपासून सुटका मिळवू शकतो. त्यामुळे तुम्हाला नितळ त्वचा हवी असेल तर तुम्ही दररोज एक चमचा गुलकंद खाऊ शकता. त्याचप्रमाणे तुम्ही चेहऱ्याला देखील गुलकंद लावू शकता.

डार्क सर्कल होतील कमी

जर तुम्हाला डार्क सर्कल असतील तर तुमचे सौंदर्य कुठेतरी कमी होते. ताण आणि अपूरी झोप यामुळे आपण
डार्क सर्कल निर्माण होतात. यासाठी तुम्ही गुलकंद वापरु शकता. गुलकंदच्या मदतीने डोळ्यांखालील क्रीम बनवा. यासाठी तुम्ही फूड प्रोसेसरमध्ये गुलकंद आणि काही गुलाबजल टाका. रात्री झोपण्यापूर्वी तुम्ही हा उपाय करु शकता.

(वाचा :- Hair Fall Solution : ८ दिवसात केसांचं गळणं होईल कमी,घनदाट केसांसाठी Baba Ramdev नी सांगितले खास उपाय)