निळ्याशार कपड्यातील करिश्माने वेधले लक्ष, चेहऱ्यावरील ग्लो समोर तरूण अभिनेत्रीही फिक्या

रॉयल ब्लू मधील रॉयल करिश्मा

करिश्माने घातलेला हा रॉयल ब्लू रंगातील वनपिस आणि जॅकेट सर्वांचेच लक्ष वेधून घेत आहे. रॉयल ब्लू कपड्यांमध्ये करिश्मादेखील रॉयल दिसत आहे. बुट्ट्या असणारा हा ड्रेस खूपच सुंदर असून एखाद्या पैठणी साडीचा शिवलेला ड्रेस असावा असे दिसून येत आहे. यासह अटॅच्ड असणारे जॅकेटही या ड्रेसची शोभा वाढवत आहे.

कॉलर्ड जॅकेट

या ड्रेससह करिश्माने घातलेल्या जॅकेटकडेही चाहत्यांचे लक्ष वेधले गेले आहे. सिल्व्हर, ब्लू आणि काळ्या रंगाचे हे जॅकेट वनपिसवर अत्यंत आकर्षकरित्या मॅच होत आहे. कोणत्याही कार्यक्रमासाठी अशी स्टाईल नक्कीच करता येऊ शकते. सोबर आणि स्टायलिश लुकसाठी ही स्टाईल अधिक उठावदार दिसून येतेय.

(वाचा – सखी गोखलेच्या ग्लॅम लुकने इंटरनेटवर लागली आग, मालिकेतील घाबरट रेश्माचा बदललेला अवतार)

ब्लॅक लेदर बॅग

भाऊ कुणाल कपूरसह करिश्मा दिसली असून तिने बाहेर जाताना हातात ब्लॅक लेदर बॅग घेतली असून ही अत्यंत स्टायलिश दिसत होती. तर त्यासह तिने लावलेल्या गोल फ्रेमच्या चष्म्यामुळे तिच्या लुकमध्ये रॉयलपणा आणि सोबरपणा लक्ष वेधून घेत होता.

(वाचा – महाराष्ट्राच्या हास्यजत्रेतील ‘फुलराणी’चा वेगळाच स्वॅग, फॅशनेबल प्रियदर्शिनीवरून नजरच हटेना)

नो मेकअप लुक

करिश्माने यासह नो मेकअप लुक केला असून अगदी बेसिक मेकअप, हायलायटर आणि न्यूड शेड लिपस्टिकचा वापर केला आहे. तर कानात टॉप्स घालून तिने लुक पूर्ण केला आहे. कोणत्याही कॉर्पोरेट कार्यक्रमासाठीही असा लुक तुम्ही करू शकता.

(वाचा – ‘परी म्हणू की सुंदरा’, साडीत खुलले मानसी नाईकचे सौंदर्य, गुढीपाडव्याला करा असा लुक )

बांधलेले केस

करिश्माने या लुकसह केस टाईट बांधले असून कुठेही ओव्हर स्टाईल केलेली दिसून येत नाही. काळे हिल्स शूज घालून हा लुक करिश्माने पूर्ण केला आहे. तर भाऊ कुणाल कपूरही अत्यंत साध्या आणि स्टायलिश काळ्या रंगाच्या कुर्त्यात दिसून आला.
करिश्माची स्टाईल ही नेहमीच कम्फर्टेबल दिसून येते. तुम्हीही करिश्माच्या या लुकवरून प्रेरणा घेऊ शकता आणि या रंगामध्ये व्हरायटी आणू शकता.