फिजिक्स शिकताना जुळली केमिस्ट्री, आयुष्मान खुरानाची हटके लव्हस्टोरी!

मुंबई : अभिनेता आयुष्मान खुरानाचा आज वाढदिवस (Happy Birthday Ayushmann Khurrana). अगदी मोजके पण चांगले सिनेमे केल्यामुळे त्याचा चाहता वर्ग मोठा आहे. सुरुवातीला त्यानं रेडिओ जाॅकी म्हणून केली होती. विकी डोनर सिनेमापासून त्यानं अभिनय क्षेत्रात पदार्पण केलं. आयुषमानची पत्नी ताहिरासोबतची प्रेमकहाणी खूपच रंजक आहे.

ते ब्रह्मास्त्र राहू दे, पण हे अस्त्र सगळ्या भारतीयांकडं असतं…हे भन्नाट मीम्स एकदा पाहाच!

लव्ह अॅट फर्स्ट साइट
आयुष्मान तेव्हा १२ वीत होता. भौतिकशास्त्र शिकण्यासाठी क्लास लावला होता. तिथेच त्यानं पहिल्यांदा ताहिराला पाहिलं. मग हळूहळू दोघं एकमेकांशी बोलायला लागले. मैत्री वाढायला लागली. अर्थात, घरी फारसं माहीत नव्हतं.

घरून मिळाला धक्का
आयुष्मानला घरूनच मोठं सरप्राइझ मिळालं. त्याचे वडील पी. खुराना प्रसिद्ध ज्योतिषी. एका वर्तमानपत्रात काॅलम लिहीत असत. तिथेच ताहिराचे वडीलही काम करत. एक दिवस खुराना यांनी ताहिराच्या कुटुंबाला घरी डिनरला बोलावलं. ताहिराला घरी पाहून आयुष्मानथक्कच झाला. त्यावेळी त्यानं वडिलांबरोबर एक गाणं गायलं, हमे तुमसे प्यार किताना. ते ऐकूनच ताहिरा त्याच्या प्रेमात पडली.

अर्जुन कपूर विचारतोय चांगला पोशाख कोणाचा? मलायकानं दिलं पटकन उत्तर

प्रेम म्हणजे प्रेम म्हणजे…
मग काय, प्रेमाची गाडी सुसाट सुरू झाली. दोघं एकाच काॅलेजमध्ये जात होते. एकत्र काॅलेजच्या नाटकांतही काम करायचे. प्रेमाबद्दल घरच्यांचाही होकार होताच. काॅलेजनंतर एमटीव्हीच्या रोडीज २ शोपासून करियरची सुरुवात झाली. यश मिळाल्यावर त्यानं ताहिराला प्रपोझ केलं. दोघांनी लग्न केलं. दोघांना दोन मुलंही आहेत. विकी डोनर सिनेमाच्या वेळी दोघांमध्ये बिनसल्याच्या बातम्या आल्या होत्या. पण आता सगळं सुरळीत सुरू आहे.

करियरमध्ये पत्नीची मदत

राष्ट्रीय पुरस्कार विजेता आयुषमाननं एका मुलाखतीत सांगितलं होतं की, चित्रपट निवडताना शक्यतो मी स्वतःच कथा पाहतो. माझी मॅनेजर आणि माझी पत्नी ताहिरा यांची मतंही मी घेतो. मी निवडलेल्या चित्रपटाचा विषय ताजा असायला हवा. हिंदी चित्रपटांमध्ये पहिल्यांदाच असा चित्रपट येत असावा. दुसरं म्हणजे चित्रपटाचा विषय खूप वेगळा आणि दोन तासांपर्यंत प्रेक्षकांना खिळवून ठेवणारा हवा यावर माझं लक्ष असतं. चित्रपट चांगला असला तर अनेक वर्षांनंतरही तो पाहिला जाईल.