पंतप्रधान मोदींनी व्हॉट्सअप युनिव्हर्सिटीचे कुलगुरू बनू नये : ॲड. यशोमती ठाकूर

राज्याच्या महिला आणि बालविकास मंत्री यशोमती ठाकूर यांनी पंतप्रधान नरेंद्र मोदी यांच्या संसदेतील भाषणांचा खरपूस समाचार घेतलाय.

राज्याच्या महिला आणि बालविकास मंत्री यशोमती ठाकूर यांनी पंतप्रधान नरेंद्र मोदी यांच्या संसदेतील भाषणांचा खरपूस समाचार घेतलाय. मोदींना केवळ संघाच्या शाखेत शिकवलं जातं तेवढाच इतिहास माहिती आहे, असा आरोप यशोमती ठाकूर यांनी केला. तसेच मोदींनी व्हॉट्सअप युनिव्हर्सिटीचे कुलगुरू होऊ नये, असा खोचक सल्लाही त्यांनी दिला.

यशोमती ठाकूर म्हणाल्या, “पंतप्रधान नरेंद्र मोदी गेल्या २ दिवसंपासून संसदेत ज्या भाषेत आणि जशा देहबोलीत बोलत आहेत, ते अत्यंत खालच्या दर्जाचं आहे. पंतप्रधान पदावर बसलेल्या व्यक्तीने अशा भाषेत अशा देहबोलीसह बोलणं शोभत नाही. या देशाला इतिहास आहे. हा इतिहास तोडण्याची मोडण्याची गरज नाही. पंतप्रधान मोदींना संघाच्या शाखेत जे शिकवलं जातं तेवढाच इतिहास माहिती आहे. त्यांनी व्हॉट्सअप युनिव्हर्सिटीचं कुलगुरू होऊ नये.”

“पंतप्रधान मोदी जे जे बोलत आहेत ते द्वेषापोटी बोलत आहेत”

“या देशाचा एक इतिहास आहे आणि संसदेची एक गरीमा आहे. त्यांनी ते सगळं सांभाळावं. जे काही वाईट झालं ते काँग्रेसमुळे झालं आणि जे काही चांगलं झालं ते फक्त मागील ७ वर्षातच झालं असं ते सांगत आहेत. पीएसयू मागील ७ वर्षात विकले गेले, पण त्याआधी ते निर्माण करण्यात आले. त्याबद्दल मोदींना काहीही चांगुलपणा नाही. पंतप्रधान मोदी जे जे बोलत आहेत ते द्वेषापोटी बोलत आहेत. त्यांच्या देहबोलीतून हे दिसून येतं. ते अत्यंत नैराश्यात गेले आहेत,” असा आरोप यशोमती ठाकूर यांनी केला.

“निवडणूक जिंकण्यासाठी मोदी खालच्या दर्जावर गेले”

“मोदींना फक्त निवडणूक डोळ्यासमोर ठेवायची आहे. निवडणूक जिंकण्यासाठी ते कितीही खालच्या दर्जावर गेले तरी त्यांना आणि त्यांच्या पक्षाला ते चालतं. या सगळ्या गोष्टीचा मी निषेध करते,” असंही यशोमती ठाकूर यांनी म्हटलं.

“नेहरूंना प्रतिमा राखण्यासाठी आत्तासारखी ‘नौटंकी’ करावी लागली नाही”

यशोमती ठाकूर पुढे म्हणाल्या, “गोवा मुक्तिसंग्रामाबाबत इतिहासात सर्व लिहिलं गेलंय. नेहरू पंतप्रधान असताना अनेक परिश्रम घेण्यात आले. ते देशाचे पहिले पंतप्रधान तर होतेच सोबत आंतरराष्ट्रीय स्तरावरील नेते होते. त्यांना त्यांची प्रतिमा राखण्यासाठी आत्तासारखी ‘नौटंकी’ कधीच करायला लागली नाही. आमची पंतप्रधानांना एकच विनंती आहे की त्या पदाची प्रतिष्ठा राखा. इतिहास काय आहे हे जाणून घ्या आणि मग बोला.”

हेही वाचा : “मोदींनी चहा विकला ते रेल्वे स्टेशन…” मोदींच्या राज्यसभेतील भाषणावर कपिल सिब्बल यांचं प्रत्युत्तर

“कोविड आलं तर काँग्रेसमुळे आलं आणि गेलं तर मोदींमुळे गेलं का? गंगा नदीत संपूर्ण देश आणि जगाने प्रेतं वाहताना बघितली. त्यामुळे आपल्याला मान खाली घालावी लागली. या सर्व गोष्टी होता कामा नयेत,” असंही ठाकूर यांनी नमूद केलं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.



Source link

About Admin

Marathi News Headlines - Majhinews covers Latest Marathi News from India and Maharashtra. Also, Find Marathi News on Entertainment, Business, World, lifestyle, Sports and Politics. Get all Live & Breaking headlines and Mumbai, Pune & other Metro Cities. Get ताज्या मराठी बातम्या लाइव at Majhinews.in.

Check Also

“मराठी कलाकार स्वत: सेटवर हिंदीत बोलतात”, अजय-अतुलच्या जोडीतील अतुलने केली तक्रार

मराठी राजभाषा दिनाच्या निमित्तानं दिलेल्या मुलाखतती अतुलने ही तक्रार केली आहे. दिग्दर्शक नागराज मंजुळे आणि …

Russia – Ukraine War : ठाणे जिल्ह्यातील ३१ विद्यार्थी युक्रेनमध्ये अडकले

हे सर्व विद्यार्थी वैद्यकीय शिक्षण घेण्यासाठी युक्रेनमध्ये गेलेले आहेत. ठाणे जिल्ह्यातील विविध शहरांमधील ३१ विद्यार्थी …